Европски рафинерии ќе произведуваат синтетичка нафта од отпадна пластика

„Тотал енерџис“ (TotalEnergies SE) и ОМВ (OMV AG) се блиску до отварање погони што ќе произведуваат синтетичка нафта од отпадна пластика, со цел да се намалат емисиите во производството на хемикалии.

Враќањето на искористената пластика во состојба на течна нафта за повторна преработка се појавува како алтернатива на вообичаеното механичко рециклирање каде што структурата на пластиката не се менува значително.

Фабриката што ја отвара „Тотал“ (Total) во близината на Париз е првата индустриска фабрика од таков вид во Франција, соопшти компанијата преку електронска пошта.

• „Тотал“ ја пушта во употреба постројката за рециклирање хемикалии на местото каде што порано беше лоцирана рафинерија за нафта, рекоа од компанијата.
• Единицата за пиролиза, која е изградена во соработка со партнер, откако ќе го достигне својот полн капацитет ќе може да преработува 15.000 тони отпад годишно. Фабриката за биогорива треба да почне со работа во 2025 година.
• ОМВ планира до крајот на годинава да отвори фабрика со капацитет за преработка на 16.000 тони во рамките на својата рафинерија во Швехат, во близината на Виена, но планира и да го зголеми производството и да го прошири годишниот капацитет на 200.000 тони, се наведува во електронската пошта од корпорацијата.

Во моментов нема коментари за веста. Биди прв да коментира...

Остави коментар