Амстердам, Барселона, Париз, Дубаи се само дел од дестинациите кон кои ќе може да се лета од скопскиот аеродорм годинава.
Авиокомпанијата „Визер“ (Wizz Air) кон средината на декември лани почна со продажба на билети за трите нови авиолинии од Скопје до Барселона, Лион и Штутгарт.
Барселона, најпосакуваната дестинација за македонските патници, се враќа на листата градови кои авионски ќе се поврзат со Скопје од 3 мај 2025 година. Летовите ќе се реализираат секој вторник и сабота.
Прочитај повеќе
Кои се топ 10 најфреквентни летови за 2024 година?
Рутата од Хонгконг до Тајпеј повторно е најпрометната меѓународна рута за летови во светот - титула што последен пат ја доби во 2019 година.
17.12.2024
Експерти советуваат како да го надминете стравот од летање
Ако вашиот страв од летање порасна во последниве месеци или ако се двоумите повеќе од вообичаено дали да се вивнете во небото, не сте сами.
24.07.2024
Кина наметна необична обврска за патниците во авионите
Кинеското министерство за државна безбедност ги предупреди патниците да не ги креваат капаците на прозорците во авионите.
25.06.2024
Екстремните горештини ги одложуваат летовите повеќе од студеното време
Топлината го разредува воздухот, што ja намалува силата што им помага на авионите да полетуваат.
15.07.2023
Од 1 мај ќе почнат и летовите кон Лион. Кон оваа дестинација ќе има три лета неделно, во вторник, четврток и сабота.
Поврзувањето со Штутгарт ќе се реализира од 29 септември, исто така со три лета неделно, во понеделник, среда и петок.
Од март следната годината нискобуџетната компанија „Трансавија“ ќе почне со летови на релацијата Амстердам-Скопје. Ова ќе биде прво поврзување на скопскиот со аеродромот „Шипхол“ во Амстердам по септември 2008 година.
На релацијата Скопје-Амстердам, „Трансавија“ ќе сообраќа двапати неделно почнувајќи од 2 март. Билетите се достапни за купување на веб-страницата на авиокомпанијата
Во моментов Скопје авионски не е поврзано со Амстердам, а кон Холандија четири пати неделно лета „Визер“, до Ајндховен, кој се наоѓа на околу 125 километри јужно од Амстердам.
Нискобуџетната компанија „Изиџет“ (easyJet) планира напролет да се врати на македонскиот пазар, со воведување летови меѓу Париз (аеродромот „Орли“) и Скопје.
„Орли“ се наоѓа на дваесетина километри од центарот на Париз.
Авиолинија од Скопје до францускиот главен град опслужува и „Визер“, до аеродромот „Бове“, оддалечен околу 90 километри од Париз.
Од 30 март од Скопје компанијата „Флај Дубаи“ ќе лета кон Дубаи два пати неделно.
И охридскиот аеродром добива повеќе работа во 2025 година. Новина се линиите Охрид-Базел-Охрид, на која ќе се лета двапати неделно, и редовната линија Охрид-Истанбул-Охрид (од 30 март), на која ќе се лета четири пати неделно.Од Охрид за Базел ќе лета „Визер“, а кон Истанбул редовна линија ќе одржува „Туркиш ерлајнс“.
.webp){kind=icon}
