Кои се топ 10 најфреквентни летови за 2024 година?

Извештајот за воздухопловните податоци, објавен денеска од ОАГ (OAG), открива дека седум од 10-те најпрометни меѓународни авиокомпании во светот годинава поврзуваат дестинации во поширокиот азиско-пацифички регион, што е знак за долгоочекуваното враќање на патувањата во Азија. Уште два поврзани града се на Блискиот Исток. А на една од дестинациите воопшто не постои центар за деловни патувања, што докажува дека летовите во слободното време продолжуваат да ги надминуваат корпоративните патувања веќе четири години откако пандемијата предизвика застој.

За да ги одреди најпрометните меѓународни и домашни летови, ОАГ го анализираше обемот на редовни авиолетови и седишта од јануари до декември 2024 година. Наведените рути одржуваат повратни летови, а не летови во еден правец.

„Со оглед на тоа што азиско-пацифичкиот регион е многу блиску до целосно закрепнување, најпрометните рути се концентрирани во познатите главни центри Хонгконг, Сеул, Инчеон и Сингапур“, напоменува во соопштението Џон Грант, главен аналитичар во ОАГ.

Рутата од Хонгконг до Тајпеј повторно е најпрометната меѓународна рута за летови во светот - титула што последен пат ја доби во 2019 година. Годинава тоа двочасовно патување го искусиле вкупно 6,8 милиони патници. На второ место е рутата од Каиро до Џеда, Саудиска Арабија, која има зголемување од 62 отсто во однос на нивото во 2019 година. На трето место е рутата од Сеул до Токио Нарита, која има 5,4 милиони закажани места или 69 проценти зголемување во однос на бројките пред пандемијата, покажува извештајот. Од Дубаи до Ријад е шестиот најфреквентен лет.

„Еден од најинтересните примери е растот на регионалните пазари на Блискиот Исток, со посебен акцент на Саудиска Арабија, каде што проектот ’Визија 2030’ продолжува да ја поттикнува побарувачката за бизнис и за одмор“, додаде Грант. Сепак, деловните луѓе што летаат меѓу корпоративните центри како Ријад и Дубаи не го користат толку летот што е второрангиран на листата на ОАГ бидејќи тоа се патници што почесто се упатуваат на релација меѓу Џеда и Каиро, рута што главно асоцира дека станува збор за лет што се користи за одмор во слободното време.

Листата ја заокружува долгогодишната рута со висок ранг: од ЏФК во Њујорк до Хитроу во Лондон. Тоа е единственото прекуокеанско патување кое се рангира меѓу првите 10 најпрометни летови, со четири милиони закажани седишта, што претставува пет отсто зголемување во однос на нивоата во 2019 година и е единствената наведена рута со точки во Европа или во Северна Америка.

Ја претставуваме листата на топ 10 авионски рути годинава. Сметајте го како предвесник за тоа каде би требало да се најдете во претстојната година без разлика дали станува збор за деловно или приватно патување.

Топ 10 најфреквентни авиорути во 2024 година:

Хонгконг - Тајван: 6,8 милиони седишта
(Hong Kong International Airport-HKG-Taiwan Taoyuan International Airport, Taipei-TPE)
 

 Каиро - Џеда: 5,47 милиони седишта
(Cairo International Airport-CAI-King Abdulaziz International Airport, Jeddah-JED)
 

Сеул - Токио: 5,4 милиони седишта
(Incheon International Airport, Seoul-ICN-Narita International Airport, Tokyo-NRT)
 

​Куала Лумпур - Сингапур: 5,38 милиони седишта
(Kuala Lumpur International Airport, Kuala Lumpur-KUL-Changi Airport, Singapore-SIN)
 

Сеул - Осака: 4,98 милиони седишта
(Incheon International Airport, Seoul-ICN-Kansai International Airport, Osaka-KIX)
 

Дубаи - Ријад: 4,3 милиони седишта
(Dubai International Airport-DXB-King Khalid International Airport, Riyadh-RUH)
 

Бангкок - Хонгконг: 4,2 милиони седишта
(Suvarnabhumi International Airport, Bangkok-BKK-Hong Kong  International Airport-HKG)
 

Џакарта - Сингапур: 4,07 милиони седишта
(Soekarno–Hatta International Airport, Jakarta-CGK-Changi Airport, Singapore-SIN)
 

Бангкок - Сингапур: 4,03 милиони седишта
(Suvarnabhumi International Airport, Bangkok-BKK-Changi Airport, Singapore-SIN)
 

Њујорк - Лондон: 4,01 милиони седишта
(John F. Kennedy International Airport, New York-JFK-Heathrow Airport, London-LHR)