„Стопанска банка Битола“ ја почна 2024 со загуба, а ја заврши со добивка

„Стопанска банка Битола“ лани оствари добивка по оданочување од 163,17 милиони денари (2,6 милиони евра), што претставува значајно подобро остварување споредено со истиот период од минатата година, кога работеше со загуба од 189,82 милиони денари (3 милиони евра).

„Позитивниот финансиски резултат се должи на задржаниот висок оперативен резултат, засилената активност за наплата на нефункционалното портфолио на банката, како и на пониското ниво на исправка на вредност на нефункционални пласмани во однос на претходната година“, информираат од банката.

Оттаму посочуваат дека нето-приходите од камати бележат зголемување за 2,54 проценти во однос на остварувањето од минатата година. Нето-приходите од провизии и надоместоци се пониски за 24,26 проценти споредено со остварувањето од истиот период од минатата година, што главно се должи на зголемените тарифи на добавувачите на услуги на банката. Нето-приходите од курсни разлики се пониски за 16,96 проценти споредено со истите од минатата година. Останатите приходи од дејноста се повисоки за 24,70 проценти во споредба со 2023 година, како резултат на остварени капитални добивки од продажба на преземен имот.

Во моментов нема коментари за веста. Биди прв да коментира...

Остави коментар