Генералниот директор на „Адидас“ (Adidas), Каспер Рорстед поднесе оставка, потврдија од компанијата, што ќе го принуди гигантот за спортска опрема да бара ново лице за челната позиција.
Промената на раководството е само еден од низата проблеми со кои се соочува компанијата во последно време, покрај пандемијата на Ковид-19 и бојкотот на производите на Adidas во Кина.
„По три тешки години обележани со економски последици од пандемијата и геополитички тензии, вистинско време е да се започне промена во раководството и да се отвори патот за нов почеток“, се вели во официјалното соопштение на компанијата.
Какви се резултатите?
Рорстед, кој ја презеде компанијата во 2016 година, беше пречекан со ентузијазам и не може да се каже дека нема постигнато резултати. Од 1 август 2016 година, кога го презеде управувањето со компанијата, вредноста на акциите на Adidas постојано се зголемуваше.
Bloomberg Chartmaker
Сепак, во последните 12 месеци акциите на компанијата бележат пад, а нивната вредност речиси се изедначи со вредноста од 2016 година. Само оваа година, акциите на Adidas изгубија околу 37 отсто од својата вредност, што ја прави една од акциите со најлоши перформанси на индексот Euro Stoxx 50.
Ново раководство
Одлуката Рорстед да се повлече од функцијата извршен директор беше донесена заеднички од самиот Рорстед и од надзорниот одбор на компанијата, изјави за Bloomberg извор запознаен со ситуацијата. Според изворите, Рорстед се чувствувал преморен откако раководел со компанијата за време на пандемијата, а станал мета на критичарите по објавувањето на наводите дека компанијата доцнела со плаќање кирија на одредени продажни места.
Директорот во заминување потпиша петгодишен договор во 2020 година и ќе остане на функцијата додека не се најде соодветна замена за него во следните 12 месеци, соопшти компанијата.
.webp){kind=icon}
