НЛБ Банка Скопје во соработка со Развојната Банка на Република Северна Македонија (РБСМ) воведува нов кредитeн продукт за правни лица со субвенционирана каматна стапка. Станува збор за кредитен продукт на износ до 30.000.000 денари (скоро 490.000 евра) со субвенционирана фиксна годишна каматна стапка до 4 проценти и рок на отплата до 12 месеци. За него ќе можат да аплицираат домашните компании кои оствариле добивка во 2021 и се одлучиле истата да ја реинвестираат, соопштија денеска од банката.
„На овој начин банката ја дава својата поддршка на македонските компании за нивна поголема ликвидност, а со тоа и на целата домашна економија, бидејќи ги стимулира бизнисите, својата остварена добивка во 2021 година да ја реинвестираат во нова технологија или човечки капитал. На тој начин компаниите добиваат можност на долг рок да ја зголемат додадената вредност на своите производи и услуги, да ја подобрат својата конкурентност и да станат поотпорни на макроекономските шокови, додават оттаму.
.webp){kind=icon}
