text size
Нарачајте сега ако сте решиле, затоа што за три дена може да е поскапо. Купувањето нови автомобили во Македонија, впрочем како и секаде во регионот па и Европа е процес кој е изложен на брзи ценовни промени. Трговците дилери не гарантираат рок за испорака, но нејачесто не е загарантирана ниту цената на возилото кога тоа конечно ќе стаса во салонот. Анализираме каква е ситуацијата на пазарот на нови автомобили и како ефектот на недостигот на полупроводници го афектираше македонскиот пазар.
Проблемот всушност почна во пандемијата, се продлабочи со почетокот на инвазијата на Русија на Украина, па растечката инфлација ги зголеми сите трошоци и ги поскапе автомобилите. Сепак суштината произлезе од глобалниот недостиг на полупроводници, кој е актуелен и сега. Поради тоа ретко кој трговец во земјава дава сигурни гаранции за испораката која некогаш трае и шест месеци. Исто така кај некои трговци се ограничени опциите за ибор па се нарачуваат само одреден верзии на автомобилите и најчесто ја нема основната. Понекогаш не може да се избере и боја, односно треба да се прифати таа која набрзо ќе стаса.
Колку чекаме Шкода, Сеат, Ауди, Фолксваген или Порше?
Од Порше Македонија, компанијата која продава Шкода, Ауди, Фолксваген, Сеат за Bloomberg Adria велат дека секогаш со клиентите договараат реален и најбрз можен рок на испорака. Тој се движи од три месеци па нагоре.
„Во однос на цените, се додека фабриките ги гарантираат цените, и ние ги гарантираме кон крајните клиенти. Но, бидејќи промените на берзанските цени на суровините се секојдневие, можни се и промени на препорачаните малопродажни цени на возилата, а преку нив и на трансакциските цени. Во таков случај го гарантираме процентот на евентуално договорената отстапка, а во случај новата ситуација да не одговара за клиентот, останува можноста за отстапување од зделката без понатамошни обврски, велат од Порше Македонија.
Ауто Македонија
Дејан Георгиевски, главен менаџер за маркетинг и односи со јавноста во компанијата вели дека бројот на возила на лагер во салоните варира во зависност од динамиката на испораките, но во просек покрива само еден и пол до два месеци нормално работење.
Сепак продажбата на автомобилите од овие брендови во првата половина од годината е споредлива со минатогодишната и како што вели Георгиевски задоволителна, со оглед на актуелните случувања.
Што е со Опел и Шевролет?
Од Ауто Македонија каде се продаваат Опел и Шевролет велат дека продажбата на возила и годинава е слична како и минатата година. Тврдат дека имаат на лагер по 10 до 15 возила.
Ауто Македонија
„Имаме возила на лагер, секако зод нарачката на автомобилот до испораката се чека од пет до шест месеци. Во тој период ја гарантираме цената на возилото, велат од Ауто Македонија за Bloomberg Adria.
Автомобилите ќе поскапуваат?
Оттаму додаваат и дека ценовните трендови најверојатно ќе се задржат на ова ниво и возилата нема да поевтинуваат.
Георгиевски пак вели дека во иднина цените ќе продлжат да растат а з атоа две причини се клучни.
„Во иднина цените ќе продолжат да растат од две причини: ограничената достапност на стратешки производи и енергенси и растечката инфлација. Во ваков комплекс на околности може да се очекува промена на приоритетите за купување и намалување на побарувачката на нови возила. Ова пак, кај одредени производители може да предизвика рекомбинирање на моделите на работење од волуменски кон профитно ориентирани. Иако изгледа како песимистичко сценарио, ваквиот комплекс на фактори отвора можност и за иновативни, креативни модели фокусирани на ефикасноста и севкупната оптимизација, кои би можеле да го зауздаат растот на цените, со истовремено задржување на деловно прифатливи профитни маргини. Ние ќе се обидеме да бидеме максимално креативни во најдобар интерес на нашите сегашни и идни клиенти, вели тој.
Драстичен пад на увозот на половни автомобили
Инаку податоците на Царинската управа покажуваат дека има раст на увозот на нови патнички возила, во првото полугодие годинава споредено со истиот период лани. Ако годинава од јануари до јуни се увезени вкупно 3.313 возила лани биле внесени 2.901 патничко возило. Сепак драстичен е падот на увозот на увозните автомобили.
.webp){kind=icon}
