„Рош холдинг“ (Roche Holding AG) ќе ја преземе биофармацевтската компанија „89био“ (89bio, Inc.) за сума до три и пол милијарди долари, во најновиот потег на швајцарскиот производител на лекови за влез на брзорастечкиот пазар за третман на пациенти со дебелина и слични заболувања.
Компанијата „89био“, со седиште во Сан Франциско, развива иновативни терапии за заболувања на црниот дроб и кардиометаболни болести, соопшти „Рош“ (Roche). Клучниот лек во доцна развојна фаза е „пегозафермин“, кој би можел да обезбеди најдобар третман во класата за умерена до тешка метаболна дисфункција - асоциран стеатохепатитис - МДАС (MASH), еден од најчестите коморбидитети поврзани со дебелината.
МДАС се развива кога маснотиите се таложат во црниот дроб, предизвикувајќи воспаление и потенцијално доведува до посериозни состојби како цироза и рак.
Прочитај повеќе
Лековите за слабеење ги „ослабеа“ билансот на состојбата на „Ново Нордиск“ и данскиот БДП
Големиот подем и пад на „Ново Нордиск“ покажува дека при инвестирање секогаш треба да се водиме од мотото - не ставајте ги сите јајца во една кошничка.
29.08.2025
„Баер“ ќе плати 1,3 милијарда долари за лекот против рак на „Кумкват“
Наменет е за неколку вида рак кај кои е мутиран генот KRAS, соопшти германската компанија во вторникот.
12.08.2025
„Ново Нордиск“ го зголеми профитот благодарение на лековите за слабеење
Продажбата на лекот за слабеење „вегови“ скокна за 107 отсто минатата година...
06.02.2025
Кинезите почнаа да лекуваат домашни мачки со лекови против ковид за луѓе
Антивирусни лекови кои се користеа за луѓе, сега се хит меѓу сопствениците на мачки
04.01.2025
„Рош“ ќе ја купи „89био“ за 14,50 долари по акција во готовина при затворањето на договорот, што претставува вкупна вредност на капиталот од приближно 2,4 милијарди долари. Акционерите дополнително ќе добијат и нетргувачко условено право на вредност до шест долари по акција во готовина, што ја носи вкупната вредност на зделката на околу 3,5 милијарди долари.
„Рош“ се обидува да се доближи до „Ново Нордиск“ (Novo Nordisk A/S) и „Ели Лили“ (Eli Lilly & Co.), производители на блокбастер лековите „вегови“ (Wegovy) и „зепбаунд“ (Zepbound). Компанијата има намера забрзано да ги протурка своите експериментални лекови против дебелина, кои во помали студии дадоа различни резултати во клучната последна фаза од клинички развој.
Најголемите понови зделки на „Рош“ се во областа на дебелината. Базелската компанија годинава склучи партнерство вредно 5,3 милијарди долари со „Зиланд фарма“ (Zealand Pharma A/S), а во 2023 година ја купи „Кармот терапевтикс“ (Carmot Therapeutics Inc.) за 3,1 милијарди долари.
„Рош“ годинава го назначи Мортен Ламер, висок менаџер од „Ново“ (Novo), за глобален раководител на терапевтската област за кардиоваскуларни, бубрежни и метаболни заболувања, за да ја зајакне стратегијата за проширување на пазарот за дебелина.
Зделката со „89био“ се очекува да биде завршена во четвртиот квартал од 2025 година.
.webp){kind=icon}
Во моментов нема коментари за веста. Биди прв да коментира...