„Парамаунт“ (Paramount Skydance Corp.) ја зголеми понудата за да го купи „Ворнер Брос“ (Warner Bros. Discovery Inc.), продолжувајќи ја долготрајната битка за едно од култните холивудски студија, тврдат лица запознаени со ситуацијата.
Новата, неоткриена понуда ја подобрува понудата од 30 долари по акција, во кеш, која „Парамаунт“ ја достави директно до акционерите на „Ворнер Брос“ на 8 декември и откри некои од грижите на компанијата во врска со претходните понуди на „Парамаунт“, според изворите, кои побараа да останат анонимни бидејќи станува збор за детали што не се јавни. Тие грижи вклучуваа и барање за поголема сигурност во финансирањето на „Парамаунт“.
Медиумскиот гигант во декември се согласи да ги продаде своите филмски и телевизиски студија и HBO-бизнисот на „Нетфликс“ (Netflix Inc.) за 27,75 долари по акција. Тоа вклучува и поделба на кабелските мрежи на „Ворнер Брос“ како „Си-ен-ен“ (CNN) и „Ти-ен-ти“ (TNT).
Прочитај повеќе
„Нетфликс“ под силна проверка од Министерството за правда на САД
Истражувањето на Министерството за правда на САД за предложеното преземање на „Ворнер брос“ од страна на „Нетфликс“ во вредност од 72 милијарди долари вклучува испитување на однесувањето на стриминг гигантот и дали тој ја користи својата моќ врз креаторите во преговорите за стекнување програми.
22.02.2026
„Ворнер Брос“ отвора нови преговори со „Парамаунт“, битката со „Нетфликс“ не е завршена
„Ворнер Брос“ ги отвора вратите за нови преговори со „Парамаунт“, зголемувајќи ги шансите за нова битка околу продажбата. Што значи тоа за „Нетфликс“ и какви се новите понуди?
17.02.2026
„Парамаунт“ би платил за раскин на договорот за преземање на „Ворнер“ од „Нетфликс“
„Парамаунт“ во соопштението во вторникот соопшти дека ќе плати надомест за раскинување од 2,8 милијарди долари што „Ворнер Брос.“ ќе мора да му го плати на „Нетфликс“ за веќе затворениот договорен со стриминг гигантот.
10.02.2026
„Нетфликс“ понуди исплата во кеш, се вжештува борбата за „Ворнер Брос“
„Нетфликс“ со нов примамлив предлог во медиумската битка на годината! Ќе успее ли „Парамаунт“ да се врати во играта за иднината на Холивуд?
20.01.2026
„Нетфликс“ размислува целосно во кеш да го купи „Ворнер Брос“
„Нетфликс“ обезбеди милијарди долари финансирање и размислува понудата за „Ворнер Брос“ да ја претвори во целосно кеш-зделка.
14.01.2026
Сепак, во меѓувреме, „Ворнер Брос“ ги обнови разговорите со „Парамаунт“ за седумдневен период, кој завршува в понеделник. Ако управниот одбор на „Ворнер Брос“ ја прифати новата понуда на „Парамаунт“ како подобра од тековниот договор, „Нетфликс“ ќе има четири дена да одговори.
„Парамаунт“ претходно изјави дека милијардерот Лари Елисон од „Оракл“ (Oracle Corp.) ќе обезбеди повеќе од 40 милијарди долари капитал што неговото семејство и други инвеститори ги вложуваат во договорот. „Парамаунт“ исто така се согласи на други барања, како што е дозволата за „Ворнер Брос“ да го води својот бизнис како што сака пред затворањето на договорот.
„Парамаунт скајденс“, која беше формирана во август како резултат на спојувањето со „Скајденс медија“ на филмаџијата Дејвид Елисон, го гледа купувањето на „Ворнер Брос“ како можност за брза трансформација во моќен играч во Холивуд. Победата на „Нетфликс“ би била круна за големиот револуционер во индустријата, што би го направило можеби најдоминантен играч во историјата на забавната индустрија.
Акциите на „Ворнер Брос“ останаа малку променети, на 28,98 долари, во продолженото тргување по кратко зголемување. Акциите на „Парамаунт“ пораснаа за 1,3 отсто, додека акциите на „Нетфликс“ минимално се зголемија.
Битката за „Ворнер Брос“ е една од најголемите медиумски зделки во последните години. Без разлика која компанија ќе победи, веројатно ќе има големо влијание врз забавната индустрија во иднина.
Потенцијалната продажба предизвика контроверзии од Холивуд до Вашингтон, каде што законодавци, филмаџии и други се загрижени за концентрацијата во медиумската индустрија и влијанието што би го имало спојувањето врз работните места.
.webp){kind=icon}
