.webp){kind=icon}
Каква стратегија за развој на туризмот има во Македонија, дали доволно ги промовираме туристичките дестинации? Бројот на туристи, во првите четири месеци од годинава е поголем во однос на претходната година, но далеку зад бројките од пред пандемијата. За состојбите во туризмот за „Блумберг Адриjа TВ“ зборуваше Климент Наумов од Факултетот за туризам и угостителство во Охрид.
„На долг рок субвенцинирањето во туризмот може да биде негативен инструмент во туристичкиот развој. Државата треба да ги пренасочи средствата и да врши стимулација на туристичкото претприемништво, но дел од средствата треба да се пренасочат во туристичките сувенирски индустриим вели Наумов. Сведоци сме дека во околните земји во централна и западна Европа, еден од најголемите бизниси е токму таа сувенирска индустрија, луѓето кои ги посетуваат дестинациите сакаат да си заминат дома со еден добар спомен којшто често пати скапо го плаќаат“.
Според Нуамов, туризмот полека се враќа во на старите патеки, но дека далеку е постигнувањата од 2011 година.
„Податоците за оваа сезона, односно за првите четири месеци од годинава покажуваат дека имаме 201.781 туристи, домашни и странски, вели Наумов. „Значи дека полека се враќаме и забележан е поголем раст на бројот на странски туристи“.
Сепак, тој додава дека ако се погледне подлабоко во бројките се гледа дека се уште не може да се пофалиме со импресивен престој на туристите. Евидентирано е дека околу 69,5 отсто од посетителите биле странци, додека останатите домашни туристи. Бројот на ноќевања е некаде 1,97 по посетител, со тоа што предничат домашните туристи со 2,2 ноќевања, додека странските туристи се под просекот од две ноќевања.
„Тоа кажува дека Македонија е дел од кружните балкански патувања и се помал број на денови се ефектуираат како престој од страна на странски туристи додека пак, тоа за домашните кажува дека се се базира на еден викенд туризам кога луѓето за време на викендите, домашните туристи, ги посетуваат македонските туристички дестинации, вели Наумов.
Доколку ја анализираме 2019. година може да се каже дека го следиме тој тренд, но сепак сме далеку сме од оној момент на пресврт во македонскиот туризам што се случи 2011 година и траеше до 2017-2018 година.
Вели дека државата треба се повеќе да инвестира во промоција на туристичките дестинации, да се инсистира на промоција во странските медиуми и да се промовираат атрактивностите што ги има Македонија. Од исклучителна важност е и да се обнови патната и железничката инфрструктура, потенцира Наумов.
