Блумберг Адрија ТВ

Компаниите и натаму гладни за кредити

Автор: Ирена Каревска

28 февруари 2024, 15:06

И покрај растот за камати, побарувачка за кредити има

Тешко до позначајно намалување на каматите

Недостасува и државна поддршка, велат економисти

Ирена Каревска

И покрај растот на каматните стапки како резултат на рестриктивната монетарна политика изминативе две години, се чини бизнисите и натаму се гладни за кредити. Иако со забавено темпо, кредитирањето и натаму расте, па во јануари годишниот раст на вкупните кредити е 5,7 проценти.

Дел од економистите не се изненадени, бидејќи велат, борејќи се со ликвидноста компаниите немаат голем избор освен да се задолжуваат.

Блумберг Адрија ТВ
 

„Побарувачката на кредити расте, бидејќи ние влегуваме во еден процес на економско заздравување. Во ситуација кога имате многукратни економски кризи и компании кои се на работ на егзистенција, а во одредени моменти треба да бидеш конкурентен на пазарот и да инвестираш, а не е краток периодот од три до четири години, навистина не ме зачудува побарувачката на кредити од компаниите а и од граѓаните, затоа што влегуваме во фаза во којашто и трошоците за живот од една страна кај граѓаните, а од друга страна и инвестициониот удар којшто го чувствуваат компаниите, немаат друг избор освен решение да бараат во кредитирањето на нивните бизниси и домаќинства“, вели професорот Абил Бауш.

Тој критикува и дека во процесот на економско заздравување недостига стратегија и поддршка од централната власт.

„Видовме само некое социјални стратегии, покачување на плати во јавниот сектор и секако каде што може да „гасиме пожари“, а не сфативме дека имаме и други компонентни на кои треба да се гради нашата стратегија. Во период кога требаше да инвестираме и да ја држиме кондицијата на нашите компании особено на малите и средни претпријатија кои во еден период мака мачеа да преживеат на пазарот, државата се нафати да ги субвенционира само граѓаните, а ни тие мерки не беа во насока на некое позначајно економско оправување и економски раст. Направивме многу грешки. На пример, се воведоа и неекономски мерки, она ограничување на цени кое долго време го задржавме и направивме штета кај конкурентноста на компаниите. Влеговме во еден круг во којшто не се гледа крајот“, вели Бауш.

Бауш ги посочува и претстојните двојни избори и како ризик за инфлацијата во наредниот период.

„2024 е година на закрепнување, но ќе биде тешка. Економски е неблагодарно да се прогнозира како би се движела инфлацијата и каматните стапки. Особено е тешко да се прогнозира како би се движеле работите и кај нас. Би требало да имаме намалување на инфлацијата, освен ако во предизборната кампања не видиме преголеми трошења, кои може да доведат до инфлаторен шок“, вели Бауш.

 

Анкета: Што ги тера македонските компании и граѓани засилено да бараат кредити?
Македонија

Анкета: Што ги тера македонските компании и граѓани засилено да бараат кредити?

Анкетата на Народната банка укажува дека во четвртиот квартал од минатата година има нетоолеснување на вкупните услови за одобрување корпоративни кредити, но послабо во споредба со претходниот квартал.

17.02.2025

Автор: Владимир Николоски

Сите новости од рубриката Блумберг Адрија ТВ

Блумберг Адрија ТВ

сите новости од рубриката Блумберг Адрија ТВ

Регистрирајте се за да продолжите со читање. Регистрирајте се

Продолжете со читање со одбирање на една од опциите подолу

БЕСПЛАТЕН НАЛОГ

Прочитајте го овој и уште четири други текстови (не се однесува на премиум текстови)

Бесплатен билтен

Регистрирај се

Претплата

Неограничен пристап до премиум содржина на сите 5 портали

Неограничен пристап до ТВ и видео содржина

Ексклузивни приказни и анализи од Businessweek Adria

Истражете ги понудите

Активирајте уште една бесплатна статија и продолжете со читање.

Отклучи сега

Искористивте еден бесплатен текст.

Го цениме вашиот интерес за веродостојни информации. Активирајте уште една бесплатна статија и продолжете со читање.

Отклучи сега

Искористете ја ексклузивната понуда денес! Читајте неограничено за 1 € неделно.

Добијте неограничен пристап денес

Продолжете

Искористете ја ексклузивната понуда денес! Читајте неограничено за 1 € неделно.

Вашите конкуренти веќе го знаат ова. Дали ќе останете тивки?

Приклучете се сега за само 11 € месечно!

Истражете ги понудите