Селма Продановиќ: Реалноста е често поубава од сите наши соништа

Во новиот авторски проект „Гејм ченџрс“ (Game Changers) со Емина Пазаља ве запознаваме со оние луѓе поради кои се променија правилата на игра на глобалната деловна шаховска табла, а тие го променија светот.

Наградата „Вјув клико бизнис воман“ (Veuve Clicquot Business Woman) е еден вид „оскар“ што им се доделува секоја година на успешни деловни жени низ светот, а е основана во 1972 година во чест на Мадам Клико, исклучителна деловна жена, Французинка што беше одликувана со орден за храброст и извонреден претприемачки дух. Во 1798 година, Мадам Клико се омажила за успешниот производител на шампањ Франсоа Клико, а кога на 27-годишна возраст станала вдовица, таа го презела бизнисот, станувајќи првата жена на чело на компанијата. Својот претприемачки дух го покажала во 1810 година, кога го произвела првото винтиџ вино во регионот Шампањ.

А таа награда во 2014 година ја доби Селма Продановиќ од „Стартап гранд даме“ („Startup-Grande-Dame“), претприемачка, консултантка, TEDx и мотивациска говорничка.

Блумберг Адрија

„Признанијата се важни, особено ова големото. Тие се потврда за трудот што го вложувате во она што го правите. Но, исто така, многу често тоа им служи многу повеќе на другите отколку што навистина мене ми треба. Имено, сите ние имаме некакви претстави за луѓето и кога знаеме дека некој е значајна или наградувана личност, полесно ќе прифатиме негов совет“.

Како меѓународно наградена претприемачка, ангел-инвеститорка и филантропка, таа е основачка и извршна директорка на „Уанмилион стартапс“ (1MillionStartups), мултимедијална платформа за видливост на стартапи посветена на претприемачите што работат според стандардите на ОН.

Со нејзиниот „Бреинсворк“ (Brainswork), таа поддржа повеќе од 400 стартапи и советуваше голем број светски инвеститори, корпорации и организации. Така имаше влијание врз милиони жени.

„Основната задача кога им се обраќате на луѓето и жените е да допрете до нивниот ум. Да го достигнете моментот на нивната самосвест во кој тие се гледаат себеси во одредена улога. Јас работам и сум работела со успешни жени. Задачата впрочем е да допрете до жените, а тие самите себеси да се видат како инвеститори, да размислуваат за себе како за инвеститори. Традиционално знаеме дека тоа е поврзано со работите што постоеле во нашите животи. Дури и кога жените имале свои пари, со нив располагале мажите или на крајот со нив раководел некој во банка. Сепак, самосвеста дека можам да ги контролирам сопствените пари е релативно нова и мора да бидеме свесни за тоа“.

Блумберг Адрија

Како претседателка на мрежата Бизнис-ангели, таа започна проект што се занимава со балансирање на половите во инвестирањето.

„Тоа е важно, бидејќи само два отсто од парите одат за женски стартапи, односно стартапи предводени од жени. Тоа е голем проблем, бидејќи токму тоа е сегментот каде што е потребно дополнително да се развие и да се разбуди самосвеста кај жените“, објасни Селма.

Родена во Сараево, живеела во неколку земји во Европа и Северна Африка. Се школувала на четири различни јазици, студирала во Сараево, Мадрид, Виена...

„Разбирањето различни култури и различни клими е важно. Но факт е дека некои потреби што ги имаат жените се исти насекаде во светот, но условите во кои растат и напредуваат се разликуваат. Тие не се насекаде исти. Од една страна, патувајќи низ светот, живеејќи на различни места, гледам што е заедничко и дека има многу, а од друга страна тоа ме научи да знам да препознавам на што треба да се работи, а тоа е разликата што ја прават географијата, традицијата, културата“.

Целиот текст на овој линк.