.webp){kind=icon}
Минатата 2023 година беше обележена со голем скок на каматните стапки и со зголемување на трошоците за задолжување, заедно со смирена и опаѓачка инфлација, додека во исто време технолошките компании доминираа на пазарите на капиталот и доживеаја вртоглав раст. Војната во Украина продолжи, а светот се соочи и со нов оружен конфликт меѓу Израел и Хамас.
Секторот што најдобро ја искористи својата позиција во тие услови е секако банкарскиот сектор. Банките во регионот Адрија беа најголеми добитници минатата година, додавајќи неверојатни профити во своите биланси. Заедно со банкарите, едно од централните места на листата Топ 50 највлијателни луѓе од регионот Адрија, која се составува втора година по ред, зазедоа и деловните луѓе што не бараа изговор во геополитичките или други околности и постигна забележителни резултати. Има и политичари што сигурно ќе ја обликуваат бизнис-климата во 2024 година, бидејќи практично во сите земји од регионот се одржуваат избори.
Еве кој е на листата за 2023 година.
Погледнете кој остави свој белег во 2022 година.
Во годинашната Топ 50 листа не издвојуваме поединечни политичари, но јасно е дека во 2024 година ќе бидат во центарот на вниманието и под притисок на јавноста. Практично сите земји од регионот ќе мора да спроведат реформи, кои често не се најпопуларни меѓу граѓаните.
Како избравме топ 50 луѓе од регионот?
Секоја регионална редакција - српската, хрватската, словенечката, босанската и македонската - номинираше свои кандидати во пет категории: бизнис, финансии, технологија и наука, спорт, забава. Годинава додадовме нова категорија, посебни достигнувања. Во категоријата политичари заклучивме дека сите политичари од регионот Адрија се под еден покрив, без можност да издвоиме поединци. Вкупно беа номинирани повеќе од 140 кандидати. Потоа дојде гласањето. На листата Топ 50 се најдоа номинираните со најмногу гласови меѓу сите редакции.
Описите на финалистите ги подготвија Јелена Стјепановиќ, Миро Солдиќ, Пиа Бедене, Александра Томиќ, Свјетлана Шурлан, Нејра Џаферагиќ, Игор Смилевски, Андреа Чобанова, Наташа Хаџиспиркоска Стефанова, Владимир Николоски и Мирела Хаскиќ-Суша. Уредничкиот одбор на изборот Топ 50 2023/2024 го сочинуваа: Марја Милиќ, Даниел Фазлиќ, Јелена Стјепановиќ, Томислав Охарек, Александра Томиќ, Ријад Дуркиќ и Наташа Давидов во соработка со новинари од редакциите од Србија, Хрватска, Словенија, Босна и Херцеговина и од Северна Македонија.
