.webp){kind=icon}
Израел ја прошири својата копнена офанзива во Газа, изврши напад врз град на Западниот Брег и изврши воздушен напад во Сирија за да ја погоди инфраструктурата за која се смета дека била користена за лансирање проектили кон неговата територија.
Израелскиот премиер Бенјамин Нетанјаху се најде на удар на критики поради неговата неподготвеност да ја прифати одговорноста за очигледниот неуспех да го предвиди смртоносниот напад на Хамас на 7 октомври. Тој предизвика бес со објавата на социјалните мрежи за време на викендот во која тој го впери прстот кон шефовите на безбедносните служби за најголемото нарушување на безбедноста во земјата во последните децении, за подоцна да го избрише и да се извини за тоа.
Во меѓувреме, израелските копнени сили ги засилија операциите во крајбрежната енклава бидејќи ескалираа стравувањата од размерите на хуманитарната криза. Републиканското раководство на Претставничкиот дом на САД најверојатно ќе гласа за планот за помош за Израел, оваа недела пркосејќи на барањето на претседателот Џо Бајден за поширок пакет кој вклучува поддршка за Украина.
„За време на судирите со терористите во Појасот Газа, војниците на Израел убија десетици терористи кои се забарикадираа во згради и тунели и се обидоа да ги нападнат војниците“, се вели во соопштението на израелските одбранбени сили.
Се додава дека биле погодени повеќе од 600 цели на милитантите во Газа во последните денови, вклучувајќи складишта за оружје и локации за лансирање ракети. Не е наведено дали израелските војници претрпеле некакви жртви.
Продолжуваат борбите на Западниот брег
Израелската армија влегла во градот Џенин на Западниот брег и се судрила со вооружени милитанти, јави палестинската телевизија. Емитуваните снимки покажуваат постојани борби.
Локалното Министерство за здравство соопшти дека загинале четворица Палестинци, со што бројот на загинати на Западниот Брег од 7 октомври се зголеми на 122.
Нафтата и обврзниците паѓаат
Цената на нафтат, златото и државните обврзници паднаа на почетокот на трговската недела во Азија, бидејќи инвеститорите оттргнаа дел од премијата за геополитички ризик што беше факторизирана на глобалните пазари откако Израел ги засили операциите во Газа повнимателно отколку што се очекуваше.
Нафтата падна за дури 2,1 отсто рано во понеделникот, намалувајќи ги добивките од петокот. Швајцарскиот франк, еврото и јапонскиот јен беа малку променети во однос на доларот бидејќи пазарите го сварија она што Израел го нарекува втора и подолга фаза од неговата војна против Хамас.
Bloomberg
Топла нападна аердором во Дагестан – носеле палестински знамиња
Аеродромот во Махачкала, главен град на регионот Дагестан, ќе биде затворен до 6 ноември. Тоа е откако руските воздухопловни власти ги признаа извештаите дека авионската патека била нападната од „непознати лица“. Беа потребни часови за да се врати редот.
Според извештаите, толпа луѓе, некои носеле палестински знамиња, се собраа на аеродромот каде пристигнуваше авион на „Ред Вингс“од Тел Авив. Непроверени снимки изобилуваа на X, порано познат како Твитер, на кои се гледа како луѓето извикуваат „Алаху Акбар! брзаат на пистата, при што се гледа како едно лице се качува на моторот, а потоа на крилото на млазот.
