Македонските граѓани не можат да се соземат од наодите на надлежните институции за убиствата на малолетничката Вања Ѓорчевска и на пензионерот Панче Жежовски, според кои криминална група заради користољубие ги лишила од животот двете лица. Првичните искази на убијците дека за долг од петстотини евра го убиле Жежовски и дека ја убиле Вања за потоа да изнудат пари од мајка и‘, не можат да се најдат ниту во најбизарните филмски сценарија. Се покажа дека криминалците во Македонија се подготвени на се‘ и дека човечкиот живот и уште поважно животот на едно дете не вредат многу.
Добро утро, подолу петте вести што ги издвоивме за почеток на денот.
Ќе возиме ли на масло од пржени компирчиња?
Германците наскоро ќе возат на дизел гориво што во целост е направено од искористено масло за јадење или, на пример, од маслото во кое сте пржеле помфрит. Германското министерство за животна средина соопшти дека парафинските дизел горива сега се одобруваат како чисти. Досега тие се додаваа во конвенционалните дизел горива, а со изменетата регулатива ќе може да се продаваат како 100 отсто концентрат.
Од моментот кога отпадното масло ќе се продава како енергент, треба да заврши и промоцијата на парафинските горива направени од фосилни извори, со што ќе се даде дополнителен поттик кон исполнувањето на климатските цели и намалувањето на стакленичките гасови. Сега кога ја поставија правната рамка, на Германците им остана само уште еден проблем – како со такво еколошко гориво да го покријат целиот пазар.
Историска цена на златото, оптимизмот за каматите главна причина
Златото го надмина претходниот историски максимум поставен во средината на пандемијата поради растечките очекувања за намалување на стапките во САД на почетокот на следната година, и покрај обидите на Федералните резерви да го ублажат оптимизмот. Скапоцениот метал се зголеми за повеќе од 3 отсто во почетокот на тргувањето во понеделникот, надминувајќи го претходниот историски максимум, поставен на 7 август 2020 година, пред да го намали најголемиот дел од тој раст.
Забрзувањето на растот на цената, која трае од почетокот на октомври, беше „во полн здив“ во петокот, кога коментарите на претседателот на ФЕД, Џером Пауел, дека монетарната политика е „добро поставена во рестриктивна територија“ поттикна пад на доларот и приносите на државниот трезор, што е позитивно за „неинтересното“ злато.
Биткоинот достигна ниво од 40.000 долари за првпат од мај 2022 година
Биткоинот надмина 41.000 долари додека најголемото дигитално средство го продолжи закрепнувањето во 2023 година поради очекувањата за намалување на каматните стапки и изгледите за поголема побарувачка од секторот на берзанските фондови.
Токенот се зголеми дури за 5,1 отсто, за да достигне 41.746 долари, а беше малку под тоа ниво заклучно со 6.30 часот во понеделникот во Лондон, зголемувајќи го својот скок во 2023 година на 152 отсто. Биткоинот последен пат беше на такви нивоа во април 2022 година, пред колапсот на стабилниот коин TerraUSD, што придонесе за пад на дигиталните средства од два трилиони долари.
Членови на семејството Милковски купија акции од „Гранит“ за 473.000 евра
„Гранит“ преку Македонската берза информира дека дел од членовите на Управниот одбор и Надзорниот одбор се стекнале со акции од градежната компанија. „Зоран Милковски, член на Управен одбор се стекна со 15.417 обични акции и Ивана Милковска Симева, член на Надзорен одбор се стекна со 10.000 обични акции“, соопшти компанијата.
„Блумберг Адрија“ веќе објави дека во блок-трансакција вредна 29,1 милиони денари (473.000 евра) на 29 ноември годинава преку Македонската берза се продадоа 25.417 акции од градежната компанија „Гранит“. Акциите се продадоа по цена од 1.145 денари за акција. Тоа беше второ тргување со големо количество акции од „Гранит“ во период од две недели. Претходно, Страшо Милковски, кој е претседател на Управниот одбор на „Гранит“ се стекна со 11.731 акција од компанијата.
Што значи крајот на ерата на фискални стимулации за европските економии
Ако некој се сомневаше дека ерата на силни фискални стимулации во Европската Унија заврши, треба да погледне што се случува во најголемата европска економија. Политичките лидери во Германија, по одлуката на Уставниот суд за вонбуџетските средства, се соочени со криза во функционирањето, бидејќи прават измени во буџетот за следната година и ја преиспитуваат стратегијата за управување со јавните финансии.
Неколку германски влади ја заобиколија таканаречената должничка кочница преку вонбуџетски фондови. Кочницата за долгот е уставна категорија што поставува строги ограничувања на големината на буџетскиот дефицит и јавниот долг. Овој пат судот донесе одлука вонбуџетските средства создадени за време на пандемијата да се пренасочат кон инвестиции за зазеленување и модернизација на економијата.
.webp){kind=icon}
Во моментов нема коментари за веста. Биди прв да коментира...