Ова се светските авиолинии со најопасни турбуленции

Фаталните турбуленции на летот на „Сингапур ерлајнс“ (Singapore Airlines Ltd.) на пат од Лондон кон Сингапур ги ставија во центарот на вниманието најнестабилните воздушни врски во светот.

Еден Британец загина, а седуммина други лица беа критично повредени откако летот СК321 (SQ321) на оваа авиокомпанија наиде на сериозни турбуленции при навлегувањето во воздушниот простор на Тајланд во вторникот, што предизвика принудно слетување во Бангкок.

Фатални турбуленции на летот на авиокомпанијата „Сингапур ерлајнс“

Во инцидентот едно лице загина, а десетина беа повредени. Авионот беше пренасочен во Бангкок за итно слетување Bloomberg

Најтурбулентната врска од сите го поврзува Сантијаго во Чиле со Санта Круз во Боливија, на има и други нестабилни летови, според базата на податоци. Летовите што го напуштаат Токио доминираат на листата на најнестабилни врски на долги релации.

Силни турбуленции се создаваат кога се спојуваат воздушни струи што патуваат со значително различни брзини. Ова, според веб-страницата „Турбли“ (Turbli), обично се среќава над планините и во одредени облачни бури.

Најтурбулентни авиолинии

Bloomberg

На пример, турбуленцијата на маршрутата Сантијаго-Санта Круз е генерирана од ветровите од Тихи Океан до Атлантски Океан, кои минуваат речиси стабилно кон Андите. Екваторот е исто така добропознат регион за турбуленции поради силните струи нагоре и активноста на грмежи, се наведува во податоците. Јапонија има високи нивоа на турбуленции предизвикани од планините и океаните.

Веб-страницата „Турбли“ го прави своето рангирање со анализа на 150.000 маршрути користејќи податоци од владините метеоролошки агенции на Велика Британија и САД.

Во моментов нема коментари за веста. Биди прв да коментира...

Остави коментар