Европа ќе продолжи да се соочува со топлотни бранови во наредните месеци, кои потенцијално ќе влијаат на сè, од електричните мрежи до земјоделските култури.
„Екстремната топлина доминира во Југоисточна Европа во јуни и во јули и ќе продолжи во текот на остатокот од летото и веројатно есента“, рече Оливија Бирч, метеоролог во „Атмосферик Г2“ (Atmospheric G2). „И во Северозападна Европа топлотните бранови прошарани со малку посвежо и влажно време веројатно ќе продолжат и во август“, додаде таа.
Севкупно, натпросечните температури во Европа и на други места значат дека јули и август најверојатно ќе продолжат да ги соборуваат глобалните рекорди во однос на температурата. Највисоката просечна температура на Земјата е забележана минатиот месец, покажуваат податоците на службата за климатски промени „Коперник“.
Прочитајте повеќе: Гори на повеќе локации во Македонија, се чека помош за пожарите
Низ континентот, екстремните временски услови ги оштетија посевите и ги ставија електричните мрежи под огромен притисок бидејќи побарувачката за ладење се зголеми.
Балканскиот регион - епицентарот на едни од најмачните жештини во Европа во јули - се подготвува за поекстремни временски услови во август. Промени од врели денови до силни бури и град би можеле да ја зголемат штетата што веќе ја претрпеа посевите во овој регион. Романија, еден од најголемите извозници на пченка во Европската Унија, исто така е подготвена за уште еден топол и сушен месец.
Ризиците од шумски пожари и натаму се високи за големи делови од Шпанија, Италија и Франција и ќе се прошират на големи делови од Британија на почетокот на август, според прогнозите на „Коперник“.
.webp){kind=icon}
