.webp){kind=icon}
Поранешниот јапонски премиер Шинзо Абе почина по атентатот што се случи денеска во градот Нара.
Телевизијата NHK објави дека Абе починал во 18 часот по јапонско време.
67-годишниот Абе беше застрелан двапати од зад грб, од далечина од околу три метри додека водеше кампања за недлните избори за Горниот дом. Осомничениот напаѓач, идентифкуван како маж на 40-годишна возраст, бил совладан на самото место и уапсен.
Абе во 2006 година на 52-годишна возраст првпат беше именуван за премиер како претставник од Либерално-демократската партија.Тој станал најмладиот премиер на Јапонија, поради што го сметале за симбол на младоста и промените. Во меѓувреме, стана премиер со најдолг стаж во јапонската историја. Најпрво служеше од 2006 до 2007 година и повторно од 2012 до 2020.
Поранешниот јапонски премиер се обиде да ги поправи односите со Кина и Русија. Сепак, договор со Русија за спорните северни острови не беше постигнат, а не успеа и планот кинескиот претседател, Си Џинпинг, да допатува во државна посета на Јапонија.
Во август 2020 година предвреме се повлече од функцијата, поради здравствени проблеми односно поради улцеративен колитис.
