.webp){kind=icon}
До крајот на годината Хрватска треба да ги потроши сите 12,19 милијарди евра што ѝ се доделени за нејзината прва финансиска перспектива во рамките на Европската Унија (ЕУ) за периодот од 2014 до 2020 година, изјави министерот за регионален развој и фондови на ЕУ, Шиме Ерлиќ, во средата на затворениот дел од седницата на хрватската влада, со напомена дека, како членка на ЕУ, Хрватска е во плус од речиси 12 милијарди евра.
Како што наведе министерот, Хрватска во изминатите неколку месеци значително скокнала во однос на одобрените средства, од четиринаесеттото на деветтото место, меѓу 28-те земји за кои Европската комисија ги следи податоците. Тој истакна дека во текот на летото се заверени милијарда евра, а до крајот на годината треба да се завери дополнителна една милијарда.
„Како што се приближуваме до крајот на годината, интензитетот на исплатата се зголемува и сигурен сум дека доколку ја одржиме оваа динамика, ќе ги искористиме сите средства што ни се ставени на располагање од фондовите на ЕУ. Имплементацијата на ЕУ-фондовите, во последната година беше голем притисок поради завршувањето на тековните проекти, исплатата и заверувањето на средствата што мора да се обработат, борбата со поскапувањата, како и сите процедури што мора да се почитуваат. Нашите напори на почетокот од годината, кога решивме неколку важни процедури, и постојаното зајакнување на САФУ, како клучна агенција за имплементација на фондовите на ЕУ, даваат резултати“, рече Ерлиќ.
Од Министерството велат дека со средствата од Националниот план за закрепнување и отпорност, Хрватска има суфицит од 11,9 милијарди евра, односно толкава е разликата меѓу парите исплатени на Хрватска и учеството на Хрватска во буџетот на ЕУ.
