Во 2021 година, непреработениот алуминиум извезен од сите земји во светот вредел вкупно 74,5 милијарди долари, што е просечен пораст од 44,9 отсто во петгодишниот период, почнувајќи од 2017 година, според Worldstopexports.com.
Од 2020 до 2021 година вредноста на извезениот суров алуминиум е зголемена за 62,1 отсто. По вредност, шесте најголеми извозници - Канада, Русија, Индија, Обединетите Арапски Емирати, Малезија и Норвешка учествуваат со 51,3 отсто од вкупните испораки на алуминиум.
Алуминиумот е најкористениот метал во светот и е основна состојка за широк спектар на производи кои можат да се рециклираат. Последново вклучува лименки за пијалоци, градежни материјали и транспортни возила.
Меѓу првите 100 извозници се најдоа и земји од регионот. Најголем извозник на алуминиум, кога станува збор за регионот е Словенија, која во 2021 година извезла алуминиум вреден 385,7 милиони долари и е на 35 место меѓу најголемите извозници.
Босна и Херцеговина е рангирана на 44 место во светот и е втора во регионот со извоз на алуминиум во вредност од 263,9 милиони долари.
Aluminij Industries Mostar е позиционирана како една од најголемите леарници во Европа, со производство кое обезбедува повеќе од 20 отсто од потрошувачката на трупци на италијанскиот пазар. За само осум месеци производство минатата година, Aluminij стана најголем увозник во БиХ и втор најголем извозник.
Во јули 2019 година, Електропривреда на Хрватската заедница Херцег-Босна го запре снабдувањето со електрична енергија, со што беше затворено производството во фабриката за алуминиум во Мостар, во сопственост на Владата на Федерацијата Босна и Херцеговина (ФБиХ) и малите акционери со по 44 отсто и Хрватска со 12 отсто.
Bloomberg Mercury
Престанокот на производството предизвика незадоволство на околу 900 работници кои организираа масовни протести, а Владата на ФБиХ, предводена од премиерот Фадил Новалиќ и релевантниот министер Нермин Џиндиќ, преговараше со заинтересираните понудувачи за преземање на Aluminij Mostar.
Подружница на М.Т. Abraham Group, кинеско-израелски конзорциум, Aluminij Industries d.o.o. и Aluminij d.d. Mostar во 2020 година потпишаа договор за закуп на фабриката на мостарската компанија. Групацијата Abraham и нејзините партнери започнаа со имплементација на стратешкиот план, сè со цел да се обезбеди почеток на работата на Aluminij d.d. Mostar во наведениот рок.
Благодарение на посветените работници и едногласната поддршка од сите нивоа на власт, беше повратена стабилноста на Aluminij. Aluminij Industries од рестартирањето на фабриката неколкукратно го зголеми производството на метал, што е резултат на инвестиција од околу 7,5 милиони евра.
Трета во регионот, а 54. во светот е Црна Гора која извезла алуминиум во вредност од 81,3 милиони долари. Пет места подолу е Албанија со извоз вреден 57,08 милиони долари.
Србија го зазема 66. место меѓу најголемите извозници, а нејзиниот извоз во 2021 година изнесува 22,1 милиони долари. Хрватска извезе алуминиум во вредност од 3,8 милиони долари и со тоа го зазеде 89. место на рангирањето на најголемите извозници.
Споредувајќи ги податоците по континенти, азиските земји продале алуминиум во вредност од 31,2 милијарди долари или 41,9 отсто од глобалната вкупна вредност. На второ место се европските извозници со 34,9 отсто, додека 12,6 отсто од светските испораки на алуминиум се од Северна Америка.
Помали делови доаѓаат од Океанија (6,3 проценти) предводени од Австралија и Нов Зеланд, Африка (3,4 проценти), потоа Латинска Америка (0,9 проценти) без Мексико, но вклучувајќи ги и Карибите.
.webp){kind=icon}