.webp){kind=icon}
Инфлацијата во Србија во август се зголеми за 13,2 отсто на годишна основа, со што продолжи растот што го бележи од почетокот на годината. На зголемувањето на потрошувачките цени во Србија најмногу влијаеше поскапувањето на енергенсите, кое трае од почетокот на војната во Украина, но и поврзаните поскапувања во другите сектори.
Цените за домување, вода, струја, гас и други горива се зголемени за 3,9 отсто во август во однос на јули, објави Републичкиот завод за статистика. Цените на храната и пијалоците се повисоки за 2,5 отсто во однос на претходниот месец.
Во претходниот месец пад на цените за 2,5 отсто е забележан во транспортот, а цените на облеката и обувките во август биле пониски за 0,6 отсто во однос на јули.
Од сите статистички категории, најмногу пораснале цените на храната што придонесува за пад на куповната моќ на населението. Во изминатите 12 месеци, цените на храната скокнале за цели 20,4 отсто, покажуваат индексите на потрошувачките цени, што е повисок раст од цените на становите, водата, струјата, гасот и другите горива, кои забележале раст од 13,5 отсто во однос на август 2021.
Цените на храната и енергијата пораснаа и покрај мерките на српската влада за ограничување на цените на основните прехранбени производи и горивата.
Аналитичарите на Bloomberg очекуваа растот на инфлацијата во Србија во август да изнесува 13,2 отсто.
