САД и Иран продолжуваат да се напаѓаат удирајќи печат на крајот на краткото примирје. Иран објави дека Ормускиот Теснец е затворен, сепак анализите покажуваат дека има движење низ теснецот. И додека конфликтот на Блискиот Исток ескалира, Трамп изгуби голем поддржувач. Ненадејно почина сенаторот Линдзи Греам.
Добро утро, ова се останатите пет вести што се важни за почеток на денот.
Сите ќе можеме полесно да произведуваме струја, ама ќе издржи ли мрежата?
Новиот Закон за обновливи извори на енергија ја проширува улогата на граѓаните, компаниите и општините во енергетската транзиција. И претходно постоеше можност крајните потрошувачи да произведуваат електрична енергија од обновливи извори за сопствени потреби и да го предаваат вишокот во мрежата, но сега, со Законот, се оди чекор понатаму.
„Законот воведува поширока рамка за колективно производство, споделување енергија, договори за купопродажба на електрична енергија или ППА договори (од англиски: power purchase agreements - PPA) и заедници на обновливи извори. Со тоа обновливата енергија не се третира само како индивидуална инвестиција или како проект на големи производители, туку како модел во кој можат поактивно да учествуваат домаќинствата, бизнисот, општините и локалните заедници“, вели за „Блумберг Адрија“ Виктор Андонов, консултант и експерт за енергетска политика.
ББА анализа: Големи промени на европскиот пазар за онлајн трговија
Европскиот пазар за онлајн трговија влегува во период на големи промени. По години силен раст на дигиталното купување, конкуренцијата повеќе не се базира само на ниски цени, туку сè повеќе на брзината на испорака, квалитетот на логистиката и способноста на компаниите да градат долгорочни одржливи бизнис модели.
Најголемиот предизвик во моментов го имаат платформите кои освоија милиони корисници во последните години благодарение на екстремно евтините производи од Азија. Неодамна, Европската унија воведе нови правила за мали увозни пратки, што ќе ги зголеми трошоците за моделот базиран на голем број евтини пакети надвор од Европа. Во исто време, најголемите играчи ја менуваат својата стратегија. Кинеските компании повеќе не се потпираат само на ниски цени, туку инвестираат во локални магацини, побрза испорака и контрола на синџирот на снабдување. Компаниите кои можат да понудат комбинација од цена, сигурност и корисничко искуство сè повеќе добиваат предност на развиените пазари.
Берзански преглед: Волстрит на рекордни нивоа, Европа во црвено, индикаторот на Бафет предупредува
Американските акции минатата недела повторно достигнаа рекордни нивоа. Растот беше поттикнат од оптимизмот околу вештачката интелигенција и успешните берзански резултати на производителот на чипови „СК Хајникс“.
Од другата страна на Атлантикот, европските берзи ја прекинаа четиринеделната низа на раст, бидејќи технолошкиот сектор беше оптоварен од геополитичките тензии меѓу САД и Иран. Во услови на рекорди на Волстрит, меѓу инвеститорите сè погласно се поставува и прашањето дали американските акции станале прескапи.
Зеленски ќе ја разреши украинската премиерка, се подготвува за широка реконструкција на Владата
Украинскиот претседател Володимир Зеленски ќе ја разреши премиерката на земјата како дел од поширока реконструкција на владата, чија цел е усогласување на владините политики во Киев со новата политичка стратегија додека војната со Русија продолжува и во петтата година.
„Во Украина ќе започнат кадровски промени за да се обезбеди спроведување на ажурираната политичка стратегија“, напиша Зеленски во неделата на платформата X.
Извршниот директор на „Фолксваген“: Постојат „попаметни решенија“ од затворање фабрики
Извршниот директор на „Фолксваген“, Оливер Блуме, изјави дека постојат „паметни решенија“ за намалување на трошоците освен затворање фабрики и го поздрави напредокот што компанијата веќе го постигнала во намалувањето на расходите. Неговите коментари би можеле да помогнат во смирување на тензиите со моќниот синдикат на производителот.
Претставниците на работниците го обвинија Блуме дека создава страв кај вработените и побараа лично да им ги објасни своите ставови, откако во медиумите беа објавени детали за обемен план за преструктурирање, кој наводно вклучува до 100.000 кратења на работни места и затворање фабрики во Германија.
.webp){kind=icon}
