text size
Македонскиот бруто-домашен производ во вториот квартал порасна за 4,3 отсто, што е највисок раст во последните четири години. Според статистичките податоци, двигател на растот е градежниот сектор, кој во периодот од април до јуни пораснал за 21,9 отсто споредено со лани. Според аналитичарот на „Блумберг Адрија“, Руди Лукачиќ, овој раст на градежништвото главно се должи на државните инвестиции во капитални проекти.
И неделава во Македонија беше актуелна темата за изградба на податочен центар. Министерот за дигитална трансформација Стефан Андоновски во разговор за ТВ „Блумберг Адрија“ рече дека веќе се бара локација за изградба на национален податочен центар во индустриска зона во близината на Скопје. Целта е на едно место да се обединат податоците и ИТ-инфраструктурата на државните институции, наместо како сега да се одржуваат повеќе од 50 помали серверски простории и податочни центри.
А отпор за податочните центри има и на глобално ниво. Затоа милијардерите лансираат рекламна кампања во корист на податочните центри. Поврзано со ова, и вештачката интелигенција е проблем, меѓу другото и поради тоа што создава значаен јаглероден отпечаток, а и поради големиот број инциденти. Силициумската Долина ја создаде вештачката интелигенција и сега се плаши од својот изум, а Бил Гејтс вели дека, да може, ќе го забави развојот на ВИ. И американскиот министер за финансии Скот Бесент беше остар со технолошките гиганти: „Не им објаснивте добро на луѓето што е вештачката интелигенција“.
Прочитајте повеќе:
Како работат македонските фармацевтски компании годинава во споредба со регионалниот лидер
Македонците направиле промет на странските берзи за 80 отсто поголем од лани
Во пресрет на зимата експлодираа цените на гасот. Складиштата се празни, а трката за нивно полнење го зголемува ризикот од дополнително поскапување. И нафтата поскапува, најмногу од јули. Анализиравме кои нафтени компании се победници во новата ценовна реалност.
Новите тензии на Блискиот Исток се причина што цената на црното злато оди нагоре. Американскиот претседател Доналд Трамп изјави дека новите напади ќе бидат краткотрајни, но во исто време на ја минимизира и желбата за договор. Анализиравме зошто Трамп не успева да ја уништи иранската економија.
Не запира ниту војната во Украина, која исто така го попречува снабдувањето и со енергенти и со храна. Украинскиот претседател Зеленски се закани дека ќе ја преплави Русија со дронови и ќе го затвори нејзиниот воздушен простор, а ЕУ планира поостри санкции за руските граѓани и бизниси, откако Германија обвини за напад со дрон.
Прочитајте повеќе:
Еден споделен автомобил може да замени 20 приватни, може ли тоа да се случи во Скопје?
Нови правила за амбалажата и отпадот од неа во ЕУ - што треба да знаат македонските извозници
Идната недела Европската централна банка ќе има состанок на кој, најверојатно, ќе донесе одлука за зголемување на каматните стапки поради сложеноста на ситуацијата. Домашните експерти велат дека и земјава е под притисок и до крајот на годината очекуваат и тука да растат трошоците за задолжување. Стравот, пак, од повисоки каматни стапки неделава ги собори пазарите во развој.
Продолжува притисокот врз долгорочните обврзници. Триесетгодишните американски обврзници се под најголем притисок од 2006 година, а глобалната распродажба на обврзници ги искачи приносите на највисоко ниво од 2008 година. Во Јапонија приносот на 10-годишните обврзници достигна три проценти за првпат од 1996 година. Анализиравме зошто високите приноси на државните обврзници предизвикуваат паника.
Прочитајте повеќе:
Дали сега е повторно време за инвестирање во Европа?
Каде во Европа е најисплатливо да се купи стан за издавање, а какви приноси нуди регионот?
За крај, оваа недела Лионел Меси најави дека, по повеќе од две децении играње за Аргентина, ѝ става крај на репрезентативната кариера. Најдобриот на сите времиња веста ја објави во рачно напишано писмо на својот инстаграм-профил.
.webp){kind=icon}
