Илон Маск, извршниот директор на „Спејс екс“ (SpaceX), изјави дека иднината на војувањето е во вештачката интелигенција и дроновите, во новообјавено видео од неговиот разговор минатото лето на Воената академија на САД во Вест Поинт, Њујорк.
Милијардерот, кој сега игра значајна улога во американската влада преку неговата блиска врска со претседателот Доналд Трамп, рече дека САД треба да инвестираат во дронови и да го зголемат домашното производство на истите.
Добро утро! Ова се петте вести што треба да ги знаете на почетокот од денот.
Ем најсиромашни, ем купуваме најскапи возила
Иако Македонија е меѓу најсиромашните земји во Европа, а во регионот Адрија има најниска просечна плата, граѓаните купуваат најскапи автомобили во просек.
Направивме еден преглед по официјалните ценовници на локалните увозници на автомобили во сите пет земји (Словенија, Хрватска, БиХ, Србија и Македонија) каде што „Блумберг Адрија“ има редакција, со тоа што избравме по еден модел од секоја класа: мал градски, ниска средна, средна и премиум класа.
„Произведено во Кина“ - проблем за тешкашите во автоиндустријата
Индустријата се соочува не со еден туку со два големи предизвика: кинеските производители и транзицијата кон електрични возила.
Кина на сличен начин како што ја трансформира индустријата на соларни панели, разви исклучително големи капацитети во автомобилската индустрија, доволни за годишно производство на повеќе од 50 милиони патнички возила од сите модели. Тоа е речиси двојно повеќе од побарувачката на домашниот пазар и може да ја задоволи побарувачката на повеќе од половина од светскиот пазар. Странските производители што уживаа децениски раст и профит од заедничките вложувања во Кина сега гледаат како тие потфати пропаѓаат, како што се гледа преку примерот на „Џенерал моторс“. Кинескиот извоз на автомобили минатата година скокна на шест милиони возила, што овозможи Кина да ја надмине Јапонија.
Кина стана центар на производство на електрични возила. Минатата година земјата имаше удел од две третини од глобалната продажба, со раст од над 90 отсто. Покрај тоа, на кинескиот пазар се продадени 11,2 милиони електрични возила, што е само половина од тоа што земјата може да го произведе. Кина доминира и во синџирот на снабдување.
Дваесет компании коишто треба да се следат во 2025 година
Аналитичарите на „Блумберг Интелиџенс“ (Bloomberg Intelligence) - кои следат околу 2.000 компании во индустрии кои се движат од облека и автомобили до финансии и храна - идентификуваа 20 што вреди да се следат внимателно во 2025 година.
Анализата ги комбинира можните катализатори за промени како што се новото раководство, продажбата на средства или аквизицијата и плановите за нови производи и услуги.
При градењето на списокот, БИ се фокусираше на потенцијалните ефекти од политиките на претстојната американска администрација, тековните геополитички конфликти и брзите промени кои вклучуваат пораст на вештачката интелигенција и електричните возила.
Стартапи во регионот - кои се проблемите и какви се можностите?
Регионалните стартап екосистеми сè уште бараат начини да се позиционираат подобро на светската сцена, а иако се разликуваат по својата вредност и успех во привлекувањето на што поголем број инвеститори, сепак се чини дека некои тенденции се заеднички за сите земји од регионот Адрија.
Повеќето компании гледаат кон Западот како отскочна штица, и без разлика дали во САД или развиениот дел на Европа бараат коосновач, партнер, инвеститор или локација каде формално би ја регистрирале својата фирма. Покрај тоа, со општата еуфорија околу вештачката интелигенција (ВИ), стартапите исто така истражуваат начини да ја интегрираат новата технологија во своите производи и услуги...
Трамп разговарал со Путин за крај на војната во Украина
Претседателот на САД, Доналд Трамп во интервју за „Њујорк пост“ (New York Post) изјави дека телефонски разговарал со рускиот претседател Владимир Путин за завршување на војната во Украина.
Трамп запрашан колку пати разговарал со Путин, истакна дека е „подобро да не кажува“.
„Тој (Путин) сака луѓето да престанат да гинат“, посочи Трамп.
Трамп за „Њујорк пост“ истакна дека „отсекогаш имал добри односи со Путин“ и дека има конкретен план за ставање крај на војната, но, не откри повеќе детали.
„Се надевам дека ќе биде брзо. Луѓето умираат секој ден. Оваа војна е толку лоша за Украина. Сакам да заврши оваа проклета работа“, истакна американскиот претседател.
.webp){kind=icon}
