Претседателот на САД, Доналд Трамп во интервју за „Њујорк пост“ (New York Post) изјави дека телефонски разговарал со рускиот претседател Владимир Путин за завршување на војната во Украина.
Трамп запрашан колку пати разговарал со Путин, истакна дека е „подобро да не кажува“.
„Тој (Путин) сака луѓето да престанат да гинат“, посочи Трамп.
Прочитај повеќе
Накратко од светот - Готов е мировниот план на Трамп за Украина
Планот на Трамп за Украина вклучува замрзнување на конфликтот.
06.02.2025
Путин добива сојузници во Европа во лош момент за Украина
Националистичкиот пресврт во земји како Словачка, Австрија и Хрватска, заедно со Унгарија, ја доведува во прашање поддршката за Украина.
31.01.2025
Трамп го повика Путин да прифати договор за Украина
Претседателот на САД го засили притисокот врз Русија да преговара за крај на војната во Украина и се закани со финансиски санкции.
23.01.2025
Какви ракети користат Русија и Украина и како функционираат тие?
Двете страни сѐ повеќе се потпираат на борбени дронови.
15.01.2025
Трамп за „Њујорк пост“ истакна дека „отсекогаш имал добри односи со Путин“ и дека има конкретен план за ставање крај на војната, но, не откри повеќе детали.
„Се надевам дека ќе биде брзо. Луѓето умираат секој ден. Оваа војна е толку лоша за Украина. Сакам да заврши оваа проклета работа“, истакна Трамп.
Трамп најави и средба со украинскиот претседател Володимир Зеленски.
Во однос на изјавата на Трамп, портпаролот на Кремљ, Дмитриј Песков, рече дека не може „ниту да потврди ниту да демантира“ дали имало телефонски разговор помеѓу претседателите на Русија и САД.
Во „Њујорк пост“, Трамп се осврна и на Иран, истакнувајќи оти преферира да склучи договор за иранската нуклеарна програма.
„Повеќе би сакал договор отколку да ги бомбардирам… Тие не сакаат да умрат. Никој не сака да умре… Ако склучиме договор, Израел нема да ги бомбардира“, наведе американскиот претседател.
Но, тој не откри детали за можните преговори со Иран и одби да каже што ќе му понуди на Техеран за возврат.
.webp){kind=icon}
