Во пакетот со многу други земји, администрацијата на САД воведе царини со стапка од 33 проценти и за македонскиот извоз. Одлуката која ја соопшти американскиот претседател Доналд Трамп предизвика бура од реакции, се уште ги бранува пазарите, но тоа можеби не е најголемиот проблем.
Трамп воведе царини за цел свет – за Македонија 33 отсто, за ЕУ 20 отсто
Индексот на волатилност Cboe (VIX), кој инвеститорите често го нарекуваат и индекс на стравот, достигна највисоко ниво од април 2020 година, откако заострувањето на трговската војна го турна индексот S&P 500 на најниско ниво во последните 11 месеци.
Страв се шири на пазарите, царините на Трамп ги зголемуваат ризиците за глобалниот раст
Македонија, за волја на вистината, нема некој значаен трговски биланс со САД, односно извозот во САД како удел во вкупниот извоз во 2024 е 1,4 проценти.
Трговска војна: Колку ќе нѐ боли „Денот на ослободувањето“ на Трамп?
Сепак, со оглед на тоа што некои од погодените земји веќе воведоа контрадавачки односно ги зголемија царините за увоз на американски производи, станува јасно дека во светот се разгорува трговската војна. Иако не директно, во неа секако е вовлечена и Македонија, поради тоа што нашата економија е мала, отворена и многу работи зависат од извозно-увозните трендови.
Како ги пресмета Трамп тие 33 отсто? Македонија „казнета“ и покрај дефицитот
Кои се индиректните последици и дали ова ќе влијае на конкурентноста на македонските производи глобално? Одговорот секако е потврден особено ако се анализира во смисла на тоа какви последици ќе имаат новововедените американски давачки за Германија, земјата со која Македонија има најобемна трговска размена. Но, како би се одразиле и евентуалните контрамерки што ги планира Европската Унија е исто така релевантно прашање.
ЕУ вети дека ќе одговори со контрамерки на американските царини од 20 отсто
Дали Македонија ќе биде во пакетот засегнати земји, затоа што не е членка на Унијата? Колку голем може да биде ударот за домашната економија?
Берзанска дилема: Продажба веднаш, прашања подоцна или трпеливо да се чека
.webp){kind=icon}
