Денеска во Скопје ќе се одржи конференцијата на „Блумберг Адрија“ „Потрошувачки трендови“. Овој настан ќе биде поттик за размена на искуства и визии. Во време на брзи промени ваквите платформи се клучни за разбирање на насоката во која се движи пазарот – и како компаниите можат да останат чекор пред него. Конференцијата ќе ги обедини водечките имиња од светот на малопродажбата, финансиите, телекомуникациите и дигиталната трансформација.
На конференција ќе се обрати Михаел Блажековиќ, тим-лидер на аналитика во „Блумберг Адрија“, кој ќе ја презентира ексклузивната анализа за потрошувачката и економските движења во регионот. Презентацијата ќе понуди увид во тоа дали македонската економија и понатаму ќе се потпира на приватната потрошувачка, какви се трендовите во трошењето и какви сигнали испраќаат податоците, но и за тоа дали има простор за посилен раст преку домашната потрошувачка.
Еве што уште е важно за почеток на овој ден.
Над 38.000 блокирани сметки на фирми, ликвидноста на тест
Присилната наплата и блокирањето сметки како на физички така и на правни лица во земјава функционира повеќе од 15 години, а небулозите во врска со тоа никако да се расчистат. Многу нејаснотии, многу нелогичности, многу простор за слободно толкување на законот. Фокусот на овој текст го ставам на фирмите.
Недостигот од прецизност и нецелосната процена на можните ситуации во пракса од една страна оставаат можност за манипулација на исплатата на долговите, но од друга доведуваат дел од должниците во ситуација на преживување или, уште полошо, клиничка смрт за фирмите.
Раст на македонскиот БДП од три проценти во првиот квартал од 2025 година
Стапката на раст на бруто-домашниот производ на Македонија во првото тримесечје од 2025 година е три проценти во однос на истото тримесечје од 2024 година, соопшти Државниот завод за статистика.
Во првото тримесечје од 2025 година, поголем пораст е забележан во секторите: градежништво и дтручни, научни и технички дејности; административни и помошни услужни дејности од 7,1 проценти и информации и комуникации од 4,8 проценти.
Министерството за финансии ќе ги аминува сите проекти поскапи од 5 милиони евра
Сите инфраструктурни проекти со проценета вредност од над пет милиони евра ќе мора да бидат одобрени од Министерството за финансии. На оваа обврска ќе подлежат сите буџетски корисници и јавни субјекти, како јавни претпријатија и акционерски друштва во државна сопственост, вклучително и општините.
Тие ќе имаат обврска да ги доставуваат своите иницијативи за реализација на јавни инфраструктурни проекти со проценета вредност од 5 милиони евра нагоре до Министерството за финансии кое ќе прави независен преглед и проверка на прединвестициските студии. Ова е предвидено со новата Уредба за управување со јавни инвестиции, а целта е подобрување на процесот на подготовка на инфраструктурните проекти, и нивната зрелост за финансирање и реализација.
Бум на полската берза: евтини акции, силен раст и нови политички ризици
Полскиот пазар на капитал во 2025 година бележи еден од најдобрите перформанси во светот: индексот WIG во Варшава скокна за повеќе од 25 проценти од почетокот на годината, додека американскиот S&P 500 бележи зголемување од околу еден процент.
Овој импресивен раст се базира на комбинација од атрактивни вреднувања, силни дивиденди, солидни макроекономски индикатори и поддршка од европските фондови. Сепак, новоизбраниот претседател Карол Навроцки од опозициската партија ПиС воведува политичка неизвесност што би можела да ги загрози понатамошните реформи и пазарниот моментум.
Како да го победите стравот од јавен настап?
Јавниот настап – овде ќе кажам нешто радикално – е само зборување. Тоа е нешто што сите го прават постојано, само се грижат за тоа кога ќе се најдат пред публика.
Секогаш кога се прави анкета за стравовите, јавното говорење често се наведува повисоко дури и од смртта. Она од што всушност се плашиме е изложеноста. Јавното говорење, особено во професионална смисла, го гледаме како доказ за нашата способност и имаме бинарни размислувања за тоа. Или ќе го направиме ова брилијантно и ќе помине феноменално, а едноставно, или ќе биде целосна катастрофа.
.webp){kind=icon}
