Швајцарската полиција соопшти дека десетици луѓе загинале, а повеќе од сто се повредени откако избувнал пожар во бар во популарното скијачко одморалиште Кран-Монтана. Трагедијата е резултат на несреќа и не е терористички напад, изјавија локалните власти на прес-конференција во четврток наутро.
Добро утро, ова се останатите пет вести што треба да ги знаете за почеток на првиот работен ден во оваа година.
Каква судбина го чека биткоинот во 2026-та?
Патот на биткоинот низ 2025 година беше обележан со изразени осцилации и висока нестабилност. Во поголемиот дел од годината сè изгледаше позитивно – поради приливот во биткоин берзанските фондови (ЕТФ), институционалното усвојување и намалувањето на понудата по „преполовувањето“ (англ. halving) – цената достигна рекордни нивоа.
Но, во октомври следуваше остра корекција, поради која најголемата криптовалута годината ја заврши со пад од околу 15 проценти, посочуваат од аналитичкиот тим на „Блумберг Адрија“.
Пазар на трудот 2026: Високи очекувања за ниски стапки на невработеност
Невработеноста во Македонија континуирано се намалува во последната деценија и стапката е буквално преполовена. Стапката на невработеност од 23,4 отсто во третиот квартал од 2016 година, во истиот период оваа година изнесува 11,5 отсто, или Државниот завод за статистика во својата база на податоци запиша 91.756 невработени лица.
Единствен исклучок е второто тримесечје од 2020 година, кога пандемијата на коронавирусот сериозно ја наруши светската економија, па и Македонија како последица, меѓу другото, запиша и зголемување на невработеноста.
Спортската 2026 година ќе биде луда: седум бизнис-приказни што не треба да ги пропуштите
Спортската 2026-та ќе биде прва година во која истовремено ќе се судрат сите клучни трендови во индустријата. Рекордните меганастани, новите модели на дистрибуција, подлабоката пенетрација на институционалниот капитал и сè поотворените конфликти околу управувањето со спортот создаваат средина во која растот повеќе не е доволен аргумент. Фокусот се префрла на одржливоста, цената на вниманието и контролата.
Ако постои година во која спортот ќе се третира пред сè како глобална индустрија, а дури потоа како игра, тоа е 2026-та. Издвоивме седум приказни што едноставно мора да ги следите.
Лагард: Влезот на Бугарија во еврозоната е моќен симбол за Европа
Претседателката на Европската централна банка, Кристин Лагард, изјави дека приклучувањето на Бугарија кон еврозоната е доказ за способноста на Европа да соработува и да се спротивстави на меѓународните предизвици.
„Еврото е моќен симбол за тоа што Европа може да постигне кога работиме заедно, и за заедничките вредности и колективната сила што можеме да ја искористиме за да се соочиме со глобалната геополитичка неизвесност што постои во моментов,“ рече таа, поздравувајќи го 21-от член на еврозоната.
Трамп се предомисли - царините за мебел и дрво не се зголемуваат
Претседателот Доналд Трамп го одложи зголемувањето на царините за тапациран мебел, кујнски ормани и тоалетни масички, забавувајќи го темпото на неговите давачки додека незадоволството на гласачите поради ценовото ниво продолжува да расте.
Белата куќа објави информативен документ за претседателската прокламација доцна во средата, додека Трамп беше домаќин на новогодишна забава во неговиот имот Мар-а-Лаго на Флорида.
.webp){kind=icon}
