Унгарската програма за енергетска ефикасност на фабриките, вредна 360 милиони долари, ќе започне да се применува во ноември, рече министерот за надворешни работи, Питер Сјарто. Додека компаниите ширум Европа се под се' поголем притисок од растечките цени на енергијата, Унгарија во моментов од кризата заштитува само дел од домаќинствата.
Новиот унгарски план ќе понуди државни субвенции од 30 проценти за компаниите во Будимпешта и од 45 отсто за тие што се лоцирани надвор од главниот град, со цел да им се помогне во вложувањата во енергетска ефикасност од најмалку 480.000 долари. Сјарто рече дека причина за енергетската криза се санкциите што Европската Унија ги воведе кон Русија како одговор на нејзината војна со соседна Украина.
„Денес најголем непријател на компаниите е екстремното зголемување на цените на енергенсите, што за жал, е последица на пропаднатата политика на санкции на Брисел“, рече Сјарто.
Прочитај повеќе
ЕУ одвојува уште 40 милијарди евра за справување со енергетската криза
ЕУ ќе ги земе парите од заедничката сметка а ќе се користат за помош на луѓе и компании погодени од кризата
18.10.2022
Енергетската криза може да доведе до рекордна емисија на јаглероден диоксид
Зголеменото користење на фосилните горива ја покачи емисијата на „CO2“ за 1,7 отсто, или 133 милиони тони
05.10.2022
Во посебно соопштение денеска Министерството за иновации и технологија вети дека ќе се зголеми користењето на геотермална енергија, која што се смета за клучна во намалувањето на зависноста на земјата од природен гас. Министерството соопшти дека ќе воспостави законодавство за користење на геотермална енергија и за промоција и поддршка на слични инвестиции. За својот геотермален план ресорното министерство планира до крајот на деценијата да потроши околу 16 милијарди евра.
.webp){kind=icon}
