.webp){kind=icon}
Германскиот министер за економија, Роберт Хабек, посочи дека го поддржува шпанскиот предлог за реформа на европскиот пазар на електрична енергија, чија цел е да се одделат трошоците за производство од обновливи извори, од цената на гасот.
„Шпанија даде многу интересен предлог кој нуди добра основа за дискусија“, рече Хабек на конференција во Берлин.
Германскиот министер за економија, Роберт Хабек
Bloomberg Mercury
Шпанија го претстави предлогот минатата недела, а тој се состои во раздвоено одредување на цената на струјата од обновливи извори, а не како досега, кога цената е тесно поврзана со најскапиот извор на производство, а тоа е гасот. Исто така, се предлага да се создаде посебен пазар на капацитети за погони на фосилни горива за да се поттикнат и компензираат производителите на електрична енергија за нивната достапност за зајакнување на безбедноста на снабдувањето. Со други зборови, не би се плаќала само произведената електрична енергија, туку и способноста односно капацитетот таа да се произведе.
Европската комисија тековно работи на модел за реформа на пазарот на електрична енергија и се очекува да претстави предлог во март. До лето треба да се постигне политички договор за да се избегне натамошна енергетска криза следната зима.
Шпанската министерка за економија, Надја Калвињо
Bloomberg Mercury
Шпанската министерка за економија Надја Калвињо, која присуствуваше на истата конференција со Хабек, рече дека целта на предлогот за реформи е да се намали или да се заузда нестабилноста на енергетскиот пазар, а цените да се одржат што е можно пониски.
