.webp){kind=icon}
Преговарачите на Европската Унија се согласија во текот на следните неколку години низ регионот да отворат електрични и водородни станици за полнење, во обид да помогнат да се поттикне транзицијата од мотори со согорување.
Европскиот парламент и земјите-членки постигнаа договор доцна ноќеска за поставување електрични станици за полнење автомобили најмалку на секои 60 километри (37 милји) на клучните патишта до 2026 година, како и за камиони на интервали од 120 километри, од кои половината треба да бидат поставени до 2028 година. До 2031 година станиците за полнење гориво од водород треба да бидат распоредени најмалку на секои 200 километри.
Договорот доаѓа истата недела кога е постигнат и историскиот договор за да се осигури дека сите нови автомобили продадени во ЕУ по 2035 година ќе бидат без емисија на штетни гасови.
Недостигот од инфраструктура за полнење се смета за еден од главните фактори што ја спречуваат таа транзиција.
„Новите правила ќе обезбедат возењето и полнењето на автомобил од новата генерација да бидат едноставни и погодни како и за тие на бензински погон. Мора да го декарбонизираме транспортниот сектор, кој сè уште е одговорен за огромен дел од емисиите“, рече Исмаил Ертуг, пратеникот одговорен за преговорите.
ЕУ исто така сака да се погрижи 90 проценти од тешките возила да имаат нула емисии до 2040 година.
