Инфлацијата во еврозоната падна на 5,5 проценти, на потег ЕЦБ

Стапката на инфлација во Европската унија во јуни, годинава изнесува 6,4 проценти, што е намалување во однос на истиот месец минатата година кога таа изнесуваше 9,6 проценти, покажуваат податоците на Еуростат. Растот на цените во ЕУ падна и во однос на мај, годинава кога стапката на инфлација изнесуваше 7,1 проценти.

Во еврозоната, инфлацијата во јуни изнесува 5,5 проценти, што е намалување во однос на истиот месец минатата година кога хармонизираниот индекс на потрошувачки цени односно таканаречената ХИЦП инфлацијата изнесувала  8,6 проценти. И во еврозоната во јуни има намалување на инфлацијата во однос на мај годинава кога таа изнесувала 6,1 проценти.

Најниска годишна стапка на инфлација од еден процент во јуни е забележана во Луксембург. Следуваат Белгија и Шпанија со инфлација од 1,6 проценти, додека највисока стапка на инфлација од 19,9 проценти има во Унгарија, Словачка (11,3 проценти) и Чешка (11,2 проценти).

Од земјите од регионот Адрија кои се членки на ЕУ, инфлацијата во Хрватска во јуни се задржа на исто ниво како и во мај и изнесува 8,3 проценти, додека во Словенија таа се намали од 8,1 на 6,6 проценти.

Извесно зголемување на каматите од ЕЦБ

„Блумберг Адрија“ веќе објави дека според анкетите, економистите очекуваат Европската централна банка (ЕЦБ)да ги зголеми каматите до максимум четири проценти до септември годинава бидејќи инфлацијата е „поупорна“ од очекувањата. Ваквиот исход би значел уште две зголемувања за 50 базични поени. Очекувањата се дека првото зголемување на каматните стапки ќе биде на 27 јули за кога и е закажан состанок на Европската централна банка. Аналитичарите анкетирани од „Блумберг“ претходно предвидуваа дека каматната стапка ќе достигне врв од 3,75 проценти.

Европската централна банка (ЕЦБ) е пред тешка одлука за тоа кога да престане да ги зголемува каматните стапки, бидејќи е тешко да се измери колкаво е влијанието на монетарното затегнување, изјави неодамна Клер Ломбардели, главна економистка на Организацијата за економска соработка и развој (ОЕЦД).

„Со последниот циклус на зголемување на трошоците за задолжување, особено заемите со фиксна стапка што направија структурни промени, се отежнува проценувањето на ефектите што се пренесуваат во реалната економија“, изјави Ломбардели за телевизијата „Блумберг“.

Bloomberg Chartmaker

Овие фактори им даваат нереална слика на централните банкари. „Преносот на монетарната политика е многу несигурен. Тешко е да се процени влијанието и кога тоа влијание ќе ја постигне максималната точка“, рече Ломбардели.

Според неа, предизвикот е особено голем во Европа, бидејќи и кога стапката на инфлација се намалува, сè уште постојат големи притисоци врз основните цени. Ова е клучна точка за расправа за креаторите на монетарната политика, кои веќе сигнализираат повторен раст на референтната каматна стапка до крајот на јули.

Инфлација под два проценти порано од предвидувањата?

Членот на Извршниот одбор на Европската централна банка (ЕЦБ), Игнацио Виско во вторникот изјави дека инфлацијата може да се намали побрзо отколку што оваа монетарна институција предвиде минатиот месец, бидејќи падот на трошоците за енергија продолжува да влијае на другите цени.

Иако базичната инфлација останува „тврдоглава“, пониските цени на суровините, вклучувајќи го и природниот гас, се очекува да имаат зголемено влијание, изјави Виско за „Блумберг“.

„Бидејќи исто така забележуваме значително намалување на цените на енергијата, мора да очекуваме дека тоа ќе се види и во базичната инфлација во наредните месеци, секако до крајот на годината“, рече Виско во Гандинагар, Индија, каде што присуствуваше на состанок на Групата 20.

„ЕЦБ предвидува дека до крајот на 2025 година инфлацијата ќе биде два отсто - мојот впечаток е дека тоа може да се случи уште побрзо“, рече централниот банкар на Италија.

Претседателот на Бундесбанк, Јоаким Нагел, во понеделникот за „Блумберг“ изјави дека очекува уште едно зголемување овој месец и дека секој потег во септември ќе зависи од статистичките податоци.

 

Во моментов нема коментари за веста. Биди прв да коментира...

Остави коментар