Лагард стои настрана во дебатата за следниот потег на ЕЦБ

Претседателката на Европската централна банка, Кристин Лагард остана надвор од дебатата за тоа дали ЕЦБ треба да ги зголеми каматните стапки 10-ти пат по ред следниот месец - дури и кога некои од нејзините поискусни колеги се обидоа да ја покренат дебатата за пауза.

Ниту во својот говор, ниту во разговорот за ТВ Блумберг во петокот, Лагард не беше поконкретна дали одлуката во септември ќе биде за зголемување или пауза.

„Најважно е очекувањата за инфлацијата да останат закотвени на два процента“, рече Лагард во интервјуто со Том Кин на годишниот состанок на Федералните резерви (Фед) во Џексон Хол, Вајоминг.

Настанот е често користен од централните банкари како сцена за важни политички изјави. Минатата година, официјални лица, вклучително и претседателот на Фед, Џером Пауел и членката на Извршниот одбор на ЕЦБ, Изабел Шнабел, го поставија тонот за долг напад на инфлацијата.

Воздржаноста на Лагард да отвори јасен пат за наредните месеци е во спротивност со нејзиниот претходник. Говорот во Џексон Хол на Марио Драги во 2014 година ја стави ЕЦБ на пат да започне квантитативно олеснување следната година.

Поранешната шефица на Меѓународниот монетарен фонд е на чело на ЕЦБ околу четири години, речиси половина од нејзиниот мандат. Но, за разлика од нејзиниот претходник, познат по неговата изјава „што и да е потребно“, таа ретко го презема водството во монетарната политика, и наместо тоа повеќе се обидува да изгради консензус.

Во моментов нема коментари за веста. Биди прв да коментира...

Остави коментар