.webp){kind=icon}
Европската централна банка (ЕЦБ) би можела да одлучи да ги зголеми каматните стапки во октомври, изјави членот на Советот на гувернери, Габриел Махлуф, кој е гувернер на централната банка на Ирска. Тој исто така додаде дека има мали шанси за намалување на каматните стапки во еврозоната напролет.
„Не велам дека на нашиот следен состанок ќе направиме пауза во циклусот на монетарното затегнување“, изјави Махлуф за „Ајриш индипендент“ (Irish Independent) во интервју во четвртокот.
„Сепак, дури и ако инфлацијата остане над целта на ЕЦБ од два процента, тоа нема нужно да доведе до дополнителни зголемувања“, посочи тој.
„Ако инфлацијата остане иста, тоа не значи дека каматните стапки ќе растат“, наведе функционерот и додаде дека „на овие нивоа би можеле да останат и подолго“.
Минатата недела ЕЦБ ги зголеми цените на задолжувањето десетти пат по ред, а економистите очекуваат каматната стапка на депозитите да остане на рекордни четири отсто најмалку до јуни.
„Мојот став е дека март не е месец во кој можеме да очекуваме намалување на каматните стапки. Луѓето дефинитивно не треба да сметаат на таква претпоставка“, посочи тој.
