.webp){kind=icon}
Најважниот гасовод што испорачува руски гас во Германија, Северен тек 1, од денеска нема да работи поради ремонт, како што претходно најави операторот, што ја зголемува вознемиреноста во Германија дека тоа може да значи целосно запирање на испораката.
Работата на гасоводот треба да трае 10 дена, до 21 јули, па за време на ремонтот повеќе нема да има испораки на гас од Русија за Германија.
Германскиот министер за економија Роберт Хабек изрази стравување дека Русија веќе нема да испорачува гас дури и по ремонтот. Русија уште во јуни значително ги намали количините што ги испорачува за Западна Европа, со објаснување дека има проблем поради турбина што недостасува.
Прочитај повеќе
ЕУ да се подготви за целосен прекин на дотокот на гас од Русија
Францускиот министер за финансии вели дека е многу веројатно дека гасот целосно ќе запре
10.07.2022
Исклучок од санкциите: Канада ги враќа турбините за Северен Поток
Заради недоволно снабдување со гас на германското стопанство му се закануваат големи тешкотии, објаснуваат канадските власти
10.07.2022
Германија ќе го пробие лимитот за задолжување ако гасната криза потрае
Германија е подготвена да се откаже од планот строго да го ограничи задолжувањето следната година ако Русија во целост престане да испорачува гас
08.07.2022
Кои европски земји се најзависни од рускиот гас: Македонија прва
Македонија, Босна и Херцеговија и Молдавија се 100 отсто зависни од рускиот енергенс
08.07.2022
Според податоците на Федералната агенција за мрежа, Германија добивала само околу 40 отсто од својот гас преку Северен тек. Германија добиваше помали количини гас и преку други гасоводи.
Властите во Берлин претпоставуваат дека исклучувањето на Северен тек 1 може да трае подолго од најавеното, можеби и до две недели. Сепак, постои страв дека и после ремонтот Северен тек може да остане без гас.
Хабек рече дека го очекува најлошото сценарио.
„Се е можно, се може да се случи. Можеби ќе се испорачува повеќе гас, повеќе од досега, но може да има и целосен прекин на испораките“, нагласи тој.
Овој страв го дели и германската индустрија, пред сè хемиската и фармацевтската, која е голем потрошувач на енергија.
