.webp){kind=icon}
Германија е во преговори со некои од најдобрите светски добавувачи на течен природен гас, вклучително и енергетскиот гигант „Шел“ (Shell Plc), за замена на рускиот енергенс со алтернативни залихи.
Владата, која има за цел да започне со увоз на течен природен гас (ЛНГ) оваа зима, во моментот е во преговори со неколку компании за долгорочни договори за снабдување, велат познавачите во оваа сфера. Исто така, размислува да потпише повеќе договори со американскиот извозник „Венчр Глобал“ (Venture Global LNG), посочуваат изворите кои побарале да останат анонимни.
Јоерг Кукиес, главен економски помошник на германскиот канцелар, Олаф Шолц, рече дека разговарал за потенцијални набавки во Сиднеј за време на дводневниот енергетски форум. Тој одби да ги идентификува доставувачите со кои разговарал на самитот.
Shell и Venture Global не беа веднаш достапни за коментар.
„По забрзувањето на плановите за нови терминали за увоз на ЛНГ, сега ни требаат молекулите“, рече Кукиес во говорот на форумот.
Германија треба да стане централа за увоз на ЛНГ во рок од една година, бидејќи се обидува да ја намали својата зависност од рускиот енергенс. Европската унија е под притисок да најде алтернативно снабдување поради стравувањата дека Москва ќе ја намали испораката на гориво како одмазда на западните санкции.
Повеќе од половина од снабдувањето со гас на Германија дошло од Русија минатата година, а испораките на четирите планирани терминали ќе покриваат околу една третина од нејзината годишна потрошувачка. Најголемата пречка е да се најдат доволно количини за испорака до новите терминали додека светот се бори со недостиг на гориво.
Германија е во преговори и со Катар, еден од најголемите светски извозници на ЛНГ. Како и да е, дискусиите заглавија бидејќи Германија го отфрли барањето на земјата за долгорочни договори што може да ги искомплицира нејзините зелени цели.
Германија веќе има потпишано неколку договори за ЛНГ со други добавувачи. Venture Global LNG минатиот месец потпиша договор за снабдување на компанијаta EnBW Energie Baden-Wuerttemberg AG. И Sempra Infrastructure се согласи на прелиминарен договор во мај за обезбедување ЛНГ за RWE AG.
