Нарачките на германските фабрики неочекувано паднаа во октомври, што е дополнителна потврда дека производството во најголемата европска економија сè уште не закрепнува.
Последните податоци покажуваат пад на побарувачката од 3,7 отсто, наспроти прогнозите на аналитичарите. кои очекуваа мал пораст од 0,2 отсто. Во септември растот беше 0,7 отсто.
Вкупниот број е зголемен со падот од 13,5 отсто во сегментот машини и опрема, што не може да се компензира со скок од 20,2 отсто на нарачките во производството на опрема за потребите на транспортниот сектор, објави во средата Заводот за статистика.
Октомврискиот резултат покажува дека закрепнувањето на германската индустрија сè уште недостига, што врши притисок врз економијата.
Bloomberg Mercury
Бруто-домашниот производ падна за 0,1 отсто во третиот квартал, а аналитичарите очекуваат сличен исход и во овој квартал.
Слабоста на економијата се прелева и на пазарот на трудот. Откако се покажа изненадувачки отпорна во претходниот период, стапката на невработеност во ноември го достигна највисокото ниво во последните две и пол години.
„Рецесијата остава свој белег“, рече Андреа Налес, која ја предводи федералната агенција за вработување.
Тешкотиите за германската економија несомнено придонесуваат за рестриктивната монетарна политика на раст на каматните стапки, а претседателот на Бундесбанката и член на советот на Европската централна банка (ЕЦБ), Јоаким Нагел истакнува дека сè уште е рано да се размислува за намалување на каматната стапка поради инфлаторните ризици.
.webp){kind=icon}
