Италијанската влада се обврза дека ќе го преземе мнозинскиот удел во најголемиот производител на челик во земјата по конфликтот со сегашниот мнозински акционер „Арцелор Митал“ (ArcelorMittal) околу тоа како да го докапитализира.
На состанокот одржан во понеделникот, владата се согласи да го зголеми својот удел во „Ачарејире д'Италија“ (Acciierie d'Italia) - порано познат како ИЛВА - од 38 на 66 проценти, со финансиска инјекција од 320 милиони евра свеж капитал, се наведува во владино соопштение.
Докапитализацијата и понатамошните одлуки за компанијата ќе бидат донесени преку државната компанија „Инвиталија“ (Invitalia).
Одлуката за национализација на челичарницата следува откако „Арцелор Митал“ го отфрли барањето за докапитализација. Портпаролот не одговори на барањето за коментар.
Во проблеми од 2012 година
Иднината на поранешната фабрика ИЛВА беше проблем за неколку италијански влади, откако челичарницата беше ставена под управа, по истрагата што започна во 2012 година. Тоа предизвика криза што го намали производство на челик, туркајќи ја компанијата кон банкрот, отворајќи прашање за иднината на нејзините 10.000 работници.
Кризата најмногу се почувствува во јужниот град Тарант, каде што се наоѓа главната фабрика. Судските власти ги поврзаа локалните челичарници со високите стапки на рак и покаченото ниво на емисија на диоксин во областа.
Стекнувањето на мнозинскиот удел во „Ачарејире д'Италија“ е контраст од трендот на приватизација на државниот имот под десничарската влада на Џорџа Мелони. Нејзиниот кабинет даде зелено светло за да се продадат водечкиот превозник „Ита ервејс“ (ITA Airways) и телекомуникациската „Телеком Италија“ (Telecom Italia SpA), како и за продажбата на удел во банката „Монте деи Паски ди Сиена“ (Banca Monte dei Paschi di Siena).
.webp){kind=icon}
