Стапката на инфлација во ЕУ падна на 2,6 проценти во јуни

Годишната стапка на инфлација во еврозоната изнесува 2,5 проценти во јуни 2024 година, што е намалување од 2,6 проценти регистрирани во мај, сопшти Евростат. Една година претходно, стапката беше 5,5 проценти. Годишната инфлација во Европската унија беше 2,6 проценти во јуни 2024 година, што е намалување од 2,7 проценти во мај. Една година претходно, стапката беше 6,4 проценти.

Најниски годишни стапки се регистрирани во Финска (0,5 проценти), Италија (0,9 проценти) и Литванија (еден процент). Највисоки годишни стапки се забележани во Белгија (5,4 проценти), Романија (5,3 проценти), Шпанија и Унгарија (и двете по 3,6 проценти). Во споредба со мај 2024 година, годишната инфлација падна во седумнаесет земји-членки, остана стабилна во една и порасна во девет.

Во јуни 2024 година, најголем придонес во годишната стапка на инфлација во еврозоната имаа услугите (+1,84 процентни поени, п.п.), потоа храната, алкохолот и тутунот (+0,48 п.п.), неенергетските индустриски стоки (+0,17 п.п.) и енергијата (+0,02 п.п.).

Во моментов нема коментари за веста. Биди прв да коментира...

Остави коментар