Зимава еврозоната веројатно ќе биде погодена од рецесија заедно со зголемена инфлација, но можно е економскиот пад да биде мал доколку потрошувачите се заштитат од најлошите последици од енергетската криза.
Според прогнозите на аналитичарите на Bloomberg, бруто домашниот производ во еврозоната би можел да падне за 0,3 отсто во последниот квартал од оваа година и за 0,2 отсто во првиот квартал од следната, под претпоставка дека владите ќе најдат добар начин да ги поддржат домаќинствата и компаниите и дека цените на природниот гас идната година ќе паѓаат.
Растот треба да се врати во вториот квартал од следната година. Истовремено, во последниот квартал од годинава инфлацијата би можела да се искачи на 9,5 отсто, што е нешто повисоко од јунските очекувања.
Bloomberg Mercury
„Нашите прогнози претпоставуваат дека многу работи зимава ќе излезат на добро. Невообичаено студена зима, неподготвеноста да се споделат енергетските ресурси, големи нарушувања во производството на електрична енергија во Франција или зголемување на приносите на обврзниците додека продолжува затегнувањето на монетарната политика се фактори кои би можеле да го продлабочат економскиот пад“, се вели во анализата на економистите на Bloomberg.
Исто така, се наведува дека циклусот на зголемување на каматните стапки на Европската централна банка (ЕЦБ) би можел да заврши некаде на крајот oд првиот квартал од следната година кога ќе станат појасни доказите за можен пад на инфлацијата.
Според економистите на Bloomberg, растот на цените следната година во просек би можел да изнесува 5,5 отсто, додека економскиот раст во целата 2023 година би можел да биде само 0,4 отсто.
.webp){kind=icon}
Во моментов нема коментари за веста. Биди прв да коментира...