ЕУ подготвува укинување на царините за да го исполни барањето на Трамп

Европската Унија ќе се обиде до крајот на неделата по забрзана постапка да донесе закон за укинување на сите царини на американските индустриски производи, барање што го постави претседателот Доналд Трамп пред САД да ги намалат своите давачки за извозот на автомобили од ЕУ.

Според упатени извори, Европската комисија, која е надлежна за трговските прашања на ЕУ, ќе одобри и поволни царински стапки за одредени морски и земјоделски производи.

ЕУ призна дека трговскиот договор постигнат со Трамп е повеќе во корист на САД, но дека е неопходен за да им се обезбедат на компаниите стабилност и предвидливост. Претседателката на комисијата Урсула фон дер Лајен претходно го опиша како „силен, иако не совршен договор“.

Потегот следува во момент кога Трамп се заканува дека ќе воведе царини и други казнени мерки за земјите што воведуваат даноци на онлајн услуги, без да прецизира кои држави би биле цел и дали ЕУ би била меѓу нив.

Американскиот претседател подолго време жестоко се спротивставува на регулативите на ЕУ за технологијата и антимонополските правила, кои ги погодуваат американските технолошки гиганти како „Гугл“ на „Алфабет“ (Alphabet Inc.’s Google) и „Епл“ (Apple Inc.).

Топ 10 увозници на автомобили во САД

Германските и јужнокорејските производители на автомобили остваруваат најголем дел од својата продажба во Америка со возила што се увезуваат од странство.

Bloomberg

Европските автомобили и автоделови во моментов се соочуваат со царина од 27,5 отсто при извоз во САД. Иако САД и ЕУ постигнаа трговски договор со кој американските царини речиси за сите европски производи би се намалиле на 15 отсто, Трамп рече дека тоа нема да важи за автомобилите сè додека не биде предложен закон за укинување на индустриските и другите давачки.

Доколку ЕУ го предложи законот до крајот на месецот, тогаш царината од 15 отсто на европските автомобили ќе важи ретроактивно од 1 август. Автомобилите се еден од најзначајните извози на Унијата во САД, при што само Германија извезе нови автомобили и делови во вредност од 34,9 милијарди долари во 2024 година.

„Комисијата ќе ја прескокне вообичаената анализа на последиците од законот, постапка што обично се спроведува во вакви ситуации, за да може побрзо да го проследи предлогот“, рекоа упатени извори, кои побараа анонимност.

 

Во моментов нема коментари за веста. Биди прв да коментира...

Остави коментар