Европската Унија соопшти дека постапила по барањето на претседателот Доналд Трамп и усвоила нацрт-регулативи за укинување на сите царини за американски индустриски производи, како и за давање преференцијален третман на одредени американски земјоделски и морски производи.
Со тоа ќе се отвори патот САД да ги намалат царините за европските автомобили и делови за автомобили од 27,5 отсто на 15 отсто, се наведува во соопштението на Европската комисија од четвртокот, институцијата што е надлежна за трговските прашања во ЕУ. Намалената стапка за автомобилите ќе важи ретроактивно од 1 август.
Европскиот парламент и земјите членки ќе треба да ги доработат регулативите, но ЕУ очекува дека САД може веднаш да ги намалат царините за автомобилите, изјави официјално лице на Комисијата, кое побарало анонимност.
Прочитај повеќе

ЕУ подготвува укинување на царините за да го исполни барањето на Трамп
ЕУ ја забрзува процедурата за закон што ќе ги укине царините на американските индустриски производи, и покрај заканите на Трамп за нови давачки.
27.08.2025

ЕУ го брани правото на регулирање по нападите на Трамп врз дигиталните даноци
ЕУ реагираше на заканите на Трамп, истакнувајќи дека има право да ги регулира економските активности на своја територија според демократските вредности.
26.08.2025

Трамп најави извозни ограничувања и царини како одмазда за дигиталниот данок
Се отвора нова фаза во трговската конфронтација.
26.08.2025

ЕУ и САД ги утврдуваат следните чекори за царините
ЕУ и САД најавија намалување на царините за автомобилите и отворија можност за олеснувања за металите, како дел од поширок договор за трговија.
22.08.2025
Настојчивата швајцарска лидерка му се спротивстави на Трамп - тоа ѝ се удри од глава
Карин Келер-Зутер важи за прагматична лидерка, но нејзините остри потези ја доведоа во судир со американскиот претседател.
08.08.2025
ЕУ минатиот месец постигна политички трговски договор со САД, кој претседателката на Комисијата, Урсула фон дер Лајен, го опиша како „силен, иако не совршен договор“. Таа го брани договорот, нагласувајќи дека е неопходен за да им обезбеди на бизнисите стабилност и предвидливост.
Топ 10 увозници на автомобили во САД
Германските и јужнокорејските производители на автомобили остваруваат најголем дел од својата продажба во Америка преку возила увезени од странство.
Bloomberg
Иако договорот предвидува американските царини за речиси сите европски производи да се намалат на 15 отсто, Трамп изјави дека тоа нема да важи за автомобилите сè додека не биде предложено законодавство за укинување на индустриските и другите давачки. ЕУ, пак, во четвртокот соопшти дека ќе го продолжи режимот без царини за американските јастози.
Автомобилите се една од најзначајните извозни категории на блокот во САД, при што само Германија во 2024 година извезла нови автомобили и делови во вредност од 34,9 милијарди долари. Европската комисија ќе ја прескокне изработката на процената за влијанието на ваквата мерка, што е вообичаена постапка во вакви ситуации, за предлогот побрзо да се реализира, објави „Блумберг“.
Овој потег следува и покрај тоа што Трамп се закани со царини и други санкции за земјите што воведуваат даноци на онлајн услуги, без да наведе кои држави би биле опфатени и дали ЕУ ќе биде меѓу нив.
Трамп подолго време остро ја критикува европската технолошка и антимонополска регулатива насочена кон американските технолошки гиганти, вклучувајќи ги „Гугл“ (Google) на „Алфабет“ (Alphabet Inc.) и „Епл“ (Apple Inc.).
Официјално лице на ЕУ изјави дека обидите на блокот да ги ограничи американските технолошки гиганти преку правилата за дигитална конкуренција и онлајн содржина не се тема за преговори.
Комесарот на ЕУ за индустрија, Стефан Сежурн, во средата изјави дека блокот можеби ќе треба повторно да го преиспита трговскиот договор доколку Трамп ги спроведе своите закани.
„Засега слушнав намери, а не изјави“, рече Сежурне на бизнис-конференцијата Медеф (Medef) во Париз.
„Ако намерите се претворат во изјави, условите на овој договор ќе треба да се ревидираат.“
Во моментов нема коментари за веста. Биди прв да коментира...