Европската централна банка (ЕЦБ) ќе ја зголеми референтната камата за 75 базични поени односно за три четвртини од процентниот поен. Ова станува се поверојатен исход од состанокот на ЕЦБ утре, пред кој се подгреваат предвидувањата, ама и стравувањата за идниот развој на финансиската ситуација во еврозоната. Аналитичкиот тим на Bloomberg Adria, исто така верува во зголемување на каматите за толку, а во посебна анализа пред состанокот аналитичарите тврдат дека ЕЦБ се уште се бори со дилемите дали до сега направила доволно во борбата со растечката инфлација во еврозоната. ЕЦБ последен пат ја зголеми својата основна стапка за три четвртини од процентниот поен во 1999 година.
Банката во четврток ќе го одржи својот прв состанок по тој од јули, кога основната камата беше зголемена за прв пат од 2011 година. Некои членови на Управниот совет оттогаш „поставуваа терен“ за поголеми зголемувања, нагласувајќи ја потребата да се дејствува брзо за да се скроти зголемената инфлација. Сепак, евентуалната длабока рецесија во еврозоната може да ја ограничи потребата за агресивно затегнување.
Приносите на двегодишните германски обврзници кои се најчувствителни на промените во монетарната политика паднаа за цели 16 базични поени на под 1 отсто за прв пат во повеќе од една недела. Се тргуваа за 3 базични поени пониско на 1,09 отсто, што е намалување за 20 базични поени од врвотдостигнат на 1 септември.
Bloomberg Mercury
„Пазарите веќе имаат сметаа на зголемување на каматата за 50 базични поени, а сега веќе се подготвуваат за зголемување од 75 базични поени како многу можен исход. Гледајќи во минатото, треба да напоменеме дека ЕЦБ неодамна тврдеше дека нема да има ни мало зголемување на каматните стапки во 2022 година. Потоа тој наратив беше сменет со приказната за постепено и умерено зголемување на стапката, а потоа ненадеен пораст од 50 базични поени во јули“, велат аналитичарите на Bloomberg Adria.
Новиот пристап е подобар, но веќе е доцна
Пристапот што ЕЦБ го усвои на последниот состанок, а кој подразбира промени во монетарната политика „од состанок на состанок“, е многу посоодветен на моменталната ситуација, но неговата имплементација требало да започне порано, смета тимот на аналитичари.
Тоа „ќе ги спречи учесниците на пазарот да бидат заведени во врска со идните чекори и ставови на ЕЦБ“.
Стапката на инфлација е на рекордно високо ниво, а фактот што се` уште се пренесуваат енергетските трошоци на големо на домаќинствата и компаниите, дополнително укажува дека не сме блиску до циклус на затегнување“, се додава во извештајот на аналитичкиот тим.
.webp){kind=icon}
Во моментов нема коментари за веста. Биди прв да коментира...