.webp){kind=icon}
Инфлацијата во Швајцарија постепено ќе се врати под еден отсто до крајот на 2023 година затоа што притисокот врз платите во земјата и натаму е под контрола, велат економистите од Credit Suisse Group SA.
„Вработените се подготвени да се одречат од максимални зголемувања на платите во краток рок, а посебно во време на економска несигурност, како сегашната, за да го намалат ризикот од останување без работа и со тоа да се заштитат себеси“, стои во анализата.
Инфлацијата во Швајцарија забрза во текот на август, достигнувајќи 3,3 отсто, но и натаму е многу под европскиот просек од девет отсто.
Откако претседателот на швајцарската народна банка во мај предупреди на ризикот од последиците од инфлацијата, креаторите на политиките следниот месец агресивно ја зголемија каматната стапка за половина поен. Тоа би можело да се случи повторно веќе следната недела.
Економистите на Credit Suisse велат дека за разлика од земјите во ЕУ, во Швајцарија влијанието на потрошувачките цени е поограничено.
„И покрај проблемите во економијата, нивото на заработувачката во домаќинствата остана непроменето заради полната вработеност, аинфлацијата не ја намали вкупната куповна моќ“, анализира Credit Suisse.
Економистите предвидуваат дека швајцарскиот раст ќе забави од 2,5 отсто годинава на еден отсто догодина.
