.webp){kind=icon}
Павле Гацов, економист и експерт во областа на даноците во денешното гостување во „Блумберг Адриа ТВ“ се осврна на прашањето кои се приоритетните чекори што треба да се спроведат за да имаме одржливост на јавните финансии.
Според него, годинава јавните финансии се пренапрегнати со оглед на тоа што на хартија се бележи раст на даночните приходи, но при тоа не се земаат предвид ефектите од инфлацијата и ниската споредбена основа од минатата година. Гацов вели дека не може да се каже дека годинава има подобрување во однос на буџетските приливи.
Тој додава дека мора да се земат предвид и буџетските расходи со кои се планира пораст на платите во јавниот сектор и на пензиите, што ќе доведе до затегнување на јавните финансии и ќе ја нагласи потребата од ново задолжување. Според него, условите за задолжување на странските пазари сега се влошуваат.
