text size
Македонија се најде на 60.место меѓу 150 земји во светот рангирани според индексот за глобален инвестициски ризик и отпорност на „Хенли и партнерс“ (Henley & Partners) за 2026 година. Станува збор за пад од 11. места во однос претходното рангирање според кое нашата земја беше на 49.место.
Традиционалните безбедни засолништа - вклучувајќи ги Швајцарија (#1), Данска (#2), Шведска (се искачи за 2 места на #3), Сингапур (#4) и Норвешка (падна за 2 места на #5) - продолжуваат да го зацврстуваат врвот на индексот, „нагласено од силниот нордиски кластер, што одразува децении институционална дисциплина и доверба на пазарот, а не какво било ненадејно подобрување“.
„Под оваа стабилност, промената е поизразена. Група економии во развој добива на тежина во релативни услови - не затоа што фундаменталните фактори се трансформирале преку ноќ, туку затоа што пазарите ги ценат со поголема доверба, наградувајќи го кредибилитетот на политиката и релативна изолација од тековните шокови“, наведуваат од консултанстката куќа во специјалниот извештај во кој се земени предвид новите геополитички шокови од почетокот на 2026 година.
Прочитај повеќе
Македонска берза: индексот со најлошо полугодие за изминативе пет години
Паднат и прометот во класично тргување, некои од „блу чиповите“ во минус и по 30 отсто
21.07.2026
Кои се клучните фактори за висината на пензиите во Македонија?
И покрај тоа што поминаа две децении од реформата на пензискиот систем, во јавноста се уште се шират шпекулации и постојат нејасностии околу причините за оваа реформа.
22.07.2026
На Волстрит нема страв: Инвеститорите очекуваат пазарите да ги издржат сите предизвици
Волстрит ја започнува втората половина од 2026 година со ново уверување: откако апсорбираa шокови едноподруго, пазарите се подготвени за уште поголем раст.
03.07.2026
Еве каде тројца експерти сега би вложиле 100.000 долари
Тројца пазарни експерти откриваат сосема различни стратегии - од ВИ-акции и големи технолошки имиња до злато, нафта и пазари како Јапонија и Грција. Дали е време за раст или за заштита?
06.07.2026
Оттаму додаваат дека во исто време, земјите изложени на конфликт, санкции или фискална кршливост се преценуваат решително надолу.
„Пазарите се сè повеќе непростливи кон двосмисленоста, казнувајќи ги слабите надворешни позиции и нерешениот геополитички ризик“, се наведува во извештајот.
Од земјите од регионот најдобро се рангирани Словенија (со пад од 18. на 20. место) и Хрватска (пад од 31.место на 33 место). Пред Македонија на листа се најде и Србија која имаше најдобар напредок во однос на претходното рангирање (од 54. место се искачи на 48.место). Од друга странха Босна и Херцеговина падна од 57. место на 89 место.
Што се оценува?
Глобалниот индекс на инвестициски ризик и отпорност (GIRRI) ги рангира земјите со комбинирање на две основни димензии: структурна отпорност - долгорочните економски, институционални и еколошки предности на земјата - и суверен ризик, што ја одразува нејзината изложеност на политички, финансиски и надворешни шокови.
Од „Хенли и партнерс“ нагласуваат дека специјалното издание за 2026 година не е нов индекс, туку целен стрес-тест на постојната рамка.
„Наместо да ја ревидираме основната структура, ја одржавме отпорноста константна и воведовме ажурирање во реално време на компонентата на ризик користејќи ги најновите достапни пазарни податоци“, наведуваат оттаму.
Ова ажурирање се базира на податоците за премијата за ризик на земјата (CRP) од 1 април 2026 година - мерка добиена од пазарот што одразува како инвеститорите моментално го одредуваат суверениот ризик низ земјите. Со вклучување на CRP, индексот го доловува начинот на кој се проценува ризикот во реално време, наместо да се потпира исклучиво на побавно движечки структурни индикатори.
.webp){kind=icon}
