.webp){kind=icon}
Номинално просечната плата продолжува да расте. Реално, паѓа веќе половина година. Според денешните податоци на Државниот завод за статистика, во септември споредено со ланскиот септември просекот се зголемола за дури 12,8 отсто. Но, реалната плата е пониска за пет проценти во однос на минатата година. Причина за вискиот пад на реалната плата се зголемените цени главно на храната и енергентите.
Просечната месечна исплатена нето-плата по вработен, во септември 2022 година, изнесува 32 553 денари. Зголемување се должи, пред сѐ, на зголемувањето на просечната месечна исплатена нето-плата по вработен во секторите: уметност, забава и рекреација (19.1 отсто), објекти за сместување и сервисни дејности со храна (18.8 отсто) и преработувачка индустрија (17.9 отсто).
Зголемување на просечната месечна исплатена нето-плата по вработен, во однос на август изнесува 2,1 отсто и се должи на покачените плати во образованието кои беа исплатени за септември по тринеделниот штрајк во април (10.0 отсто), административни и помошни услужни дејности (4.0 отсто) и преработувачка индустрија (3.7 отсто).
Дали ваквкиот раст на платите кој почна во 2019 година ќе продолжи? Според работодавачите, веќе не постојат услови за тоа затоа што државата ја укина поддршката која ја добиваат работодавачите за да ги зголемуваат платите.
Законот со кој Владата ги плаќаше придонесите за износот за кој се зголемува платата (не помалку од 600, а не повеќе од 6.000 денари) важеше три години, од ноември 2019 до 31 октомври годинава. Со ова државата покриваше околу пет отсто од вкупниот рошок за плати кој го имаа работодавачите.
Од Организацијата на работодавци на Македонија (ОРМ) велат дека сега трендот на раст ќе запре.
„Повеќето од фирмите ќе можат да издржат да ги исплаќаат сегашните плати, но ќе го стопираат идниот раст на платите. Сепак, мал број фирми можеби ќе бидат доведени во ситуација и да ги намалат платите“.
Според податоците на Управата за јавни приходи за септември, поддршката за зголемување на платите ја користеле над 28.000 работидавачи за над 170.000 работници.
