Преговорите меѓу „Макпетрол“ и државата пропаднаа. Компанијата вчера соопшти дека веќе нема да увезува и испорачува гас во земјава по Нова година. „Макпетрол“ тврди дека не му одговара да работи по новите правила, подзаконски акти што треба допрва да бидат донесени и побара време до септември идната година за да се приспособи.
Прочитајте повеќе: Анализираме кој останува без гас, фабрики ќе се затвораат
Претседателката на Организацијата на работодавци, Владанка Трајкоска, во гостувањето на Блумберг Адрија ТВ даде свое видување за тоа што значи за бизнис-секторот најавата од „Макпетрол“ дека ќе прекине со испорака на гас.
„Како земја зависна од увоз на реагенси, често наидуваме на проблеми, дали во однос на цената, дали во однос на недостигот од реагенси или, пак, на вакви законски закани во однос на работењето на компаниите. Сметам дека најавата од страна на 'Макпетрол' е сериозна закана за извозно ориентираните компании од зоните што го користат гасот како ресурс во работењето, но исто така и закана за компаниите што го користат овој реагенс за греење. Така што бремето што го имаат македонските компании во овој период е дополнително оптоварено со ваквата ситуација...“, посочи Трајкоска.
Целиот разговор со неа погледнете го во видеото во рамките на објавата.
.webp){kind=icon}
