.webp){kind=icon}
Македонските граѓани уште долго ќе ги чувствуваат невидените поскапувања на храната и на енергентите што се случија во текот на годинава што истекува и прашање е дали ќе дочекаат цените на лебот, млечните производи, струјата, горивата и на другите основни производи да се вратат на некогашното ниво.
Иако статистиката покажуваше континуиран номинален раст на просечната плата во 2022 година, а минималната плата беше зголемена на 18.000 денари, рекордната инфлација, која достигна 19,8 проценти во октомври, не дозволи зајакнување на домашните буџети, туку го изеде овој пораст и реалната вредност на платите паѓаше.
Нема дилеми дека годинава ќе биде запаметена и поради прекините во образовниот процес, без разлика дали тие биле поради штрајкови на наставниците, дојави за поставени бомби или блокади во сообраќајот во Скопје.
„Блумберг Адрија“ избра неколку настани што оставија белег на 2022 година.
