Регулаторна комисија за енергетика (РКЕ) почна постапка за одземање на лиценците на Балкан енерџи груп (БЕГ), информира претседателот на РКЕ, Марко Бислимовски. Ќе се одземаат лиценците за производство, дистрибуција и снабдување со топлинска енергија.
Според Законот за енергетика, откако РКЕ ќе ги одеземе лиценците, Владата е должна да распише тендер за нови вршители на енергетската дејност
„За одземањето на лиценците нема да има реперкусии и ниту граѓаните, ниту, пак, индустријата нема да плаќаат ниту еден денар. Сите постапки ќе бидат завршени на време, а до нивното завршување, постојниот вршител на енергетската дејност е должен да ја врши дејноста“, вели Бислимоски.
Првиот човек на РКЕ смета дека Владата треба да ги укине трите дејности, производство, дистрибуција и снабдување со топлинска енергија, и во иднина да се издава само една лиценца за топлинска енергија како во поголемите градови во соседството.
„Сигурен сум дека постапката ќе заврши пред почетокот на грејната сезона. Не можам да кажам колку ќе трае тендерот, но верувам дека од октомври БЕГ нема повеќе да ги грее скопјани“, потенцира Бислимоски.
.webp){kind=icon}
